الائچی خرد / چھوٹی الائچی / سبز الائچی

نام :

عربی میں قاقلہ صغا۔ فارسی میں ہیل بوا، یا خیربوا۔ سندھی میں پھوٹا نندا۔ مرہٹی میں تھورویلا۔ بنگالی میں چھوٹ ایلاچ اور اردو میں سبز الائچی کہتے ہیں۔

(تحریر و تحقیق: حکیم مولانا سید عبدالوہاب شاہ شیرازی)

نام انگلش:

Name: Cardamom

Scientific name: Elettaria cardamomum

Family: Ginger

تعارف:

الائچی کا پودا نمناک جگہ پر ہوتا ہے، یعنی ایسی جگہ جہاں مٹی میں نمی ہو اور سورج کی شعائیں زیادہ دیر تک اس پر نہ پڑھیں، الائچی کے پتے دو سے تین فٹ تک لمبے ہوتے ہیں،جبکہ تین چار انچ تک چوڑے ہوتے ہیں اور ان سے بھی خوشبو آتی ہے۔ اس کا پودا پانچ سے آٹھ فٹ تک اونچا ہو جاتا ہے۔ عام طور پر نرسریوں پر الائچی کے نام سے کوئی اور پودے بیچے جاتے ہیں جن کے پتے چھوٹے چھوٹے ہوتے ہیں، یاد رکھیں چھوٹی الائچی یا سبز الائچی کے پتے ایک سے تین فٹ تک لمبے ہوتے ہیں۔الائچی کے پودے کے ساتھ گچھے کی شکل میں سفید پھول لگتے ہیں۔

الائچی کا استعمال دواؤں کے ساتھ ساتھ غذاؤں میں بھی کثرت سے ہوتا ہے۔ الائچی دو قسم کی ہوتی ہے۔ ایک چھوٹی جسے سبز الائچی یا الائچی خرد کہا جاتا ہے، اس کا چھلکا سفید اور اندر سیاہی مائل خوشبودار بیج ہوتے ہیں۔ الائچی کی دوسری قسم بڑی اور سرخی مائل چھلکے والی ہوتی ہے، اس کے اندر بھی سیاہی مائل بیج ہوتے ہیں۔

یہ بھی پڑھیں: اگر عود

یہ بھی پڑھیں: افیون افیم

یہ بھی پڑھیں: اشنان لانا بوٹی

کیمیاوی و غذائی  اجزا:

مقدار فی 100 گرام

1: وٹامنز

تھایامن: 0.198 ملی گرام       ریبوفلاوین: 0.182 ملی گرام   نیا سین: 1.102 ملی گرام         وٹامن بی6: 0.23 ملی گرام

وٹامن سی: 21 ملی گرام

2: منرلز

کیلشیم: 383 ملی گرام میگنیشیم: 229 ملی گرام             پوٹاشیم: 1119 ملی گرام           فاسفورس: 178 ملی گرام

آئرن: 13.97 ملی گرام           زنک: 7.47 ملی گرام                               مینگنیز: 28 ملی گرام    کاپر: 0.383 ملی گرام

3: ضروری تیل کے اہم اجزا (Essential Oil Components)

سینئول : 1,8-Cineole : زیادہ مقدار، نمایاں جزو  الفا ٹرپینائل ایسیٹیٹ : α-Terpinyl acetate : زیادہ مقدار

سبینین : Sabinene : معتدل مقدار      لیمونین : Limonene : معتدل مقدار    الفا پائنین : α-Pinene : کم تا معتدل مقدار

الفا ٹرپینیول : α-Terpineol : معتدل مقدار         لینالول : Linalool : کم مقدار لینالیل ایسیٹیٹ : Linalyl acetate : کم مقدار

نیرو لیڈول : Nerolidol : کم مقدار        

(نوٹ: ضروری تیل کل وزن کا تقریباً 2.8–6.2 فیصد ہوتا ہے)

4: فکسڈ آئل / چربی والے اجزا (Fixed Oil / Fatty Acids)

اولیک ایسڈ : Oleic acid : اہم عنصر       دیگر فیٹی ایسڈز : Minor fatty acids : کم مقدار

(کل فکسڈ آئل تقریباً 1–10 فیصد)

5: فائیٹوسٹیرولز (Phytosterols)

بیٹا سائیٹو اسٹرول : β-Sitosterol : زیادہ مقدار        کیمپسٹرول : Campesterol : کم مقدار سٹگما سٹرول : Stigmasterol : کم مقدار

6: فینولک اور فلاونوائڈز (Phenolics & Flavonoids)

کیورسٹین : Quercetin : کم مقدار          کیمپفرول : Kaempferol : کم مقدار     عمومی فینولک مرکبات : Phenolics : معتدل مقدار

حوالہ جات:

PMC۔ HUBPAGES ۔ Lippincott Journals ۔ 

اثرات:

اعصاب میں تحریک، غدد میں تحلیل اور عضلات میں تسکین پیدا کرتی ہے، خون میں کھاری پن کے ساتھ ساتھ رقت اور لطافت پیدا کرتی ہے۔

جبکہ بڑی الائچی اعصابی عضلاتی مزاج کی حامل ہوتی ہے۔  الائچی مدر بول، مطیب، ملطف، دافع ریاح ، ملین، ہاضم، مفرح، دافع حرارت و بخار اور مقوی اثرات کی حامل ہے۔

خواص و فوائد

الائچی جسم سے گرمی کا خاتمہ کرتی ہے اور تری کو زیادہ کرتی ہے، کھار ہونے کی وجہ سے جسم سے تیزابیت کا خاتمہ بھی کرتی ہے۔ عضلاتی یا غدی تحریک سے پیدا ہونے والے امراض میں الائچی بہت مفید ہے۔ مطیب ہونے کی وجہ سے منہ، اور سانس میں خوشبو پیدا کرتی ہے، جسم میں رطوبات بڑھاتی ہے۔

جدید سائنسی تحقیقات:

1: نظامِ ہاضمہ پر اثرات

کارڈاموم(سبز الائچی) معدے کی خرابی، ہاضمے کی کمزوری، بدہضمی، اور گیس کے مسائل میں مفید ہے۔ روایتی طور پر یہ معدے کی جلن اور پیٹ کے درد کم کرنے کے لیے استعمال ہوتا ہے۔ کچھ مطالعات میں معدے میں جراثیم کش اثرات بھی ظاہر ہوئے ہیں، جو معدے کے انفیکشن کو کم کر سکتے ہیں۔

2: اینٹی آکسیڈنٹ اثر

الائچی میں موجود فینولک مرکبات اور فلاونوائڈز آزاد ریڈیکلز کو ختم کرتے ہیں، جس سے جسم کے خلیات کو نقصان پہنچنے سے روکا جا سکتا ہے۔ اینٹی آکسیڈنٹ خصوصیات دل، جگر اور دیگر اعضاء کے لیے فائدہ مند ہیں۔

3: اینٹی مائکروبیل اور اینٹی فنگل اثر

الائچی کے ضروری تیل میں شامل اجزا جراثیم کش اور فنگس کش خصوصیات رکھتے ہیں۔ اس سے منہ، معدہ اور جلد کے انفیکشن کم کرنے میں مدد مل سکتی ہے۔

4: دل کی صحت پر اثرات

الائچی میں پائے جانے والے فائیٹوسٹیرول LDL کولیسٹرول جذب کو کم کرنے میں مدد دیتے ہیں، جو دل کی صحت کے لیے فائدہ مند ہے۔ اینٹی آکسیڈنٹ اثرات خون کی شریانوں کو سکڑنے اور سوزش سے بچانے میں مدد دیتے ہیں۔

5: منہ اور دانتوں کے مسائل

کارڈاموم چبانے سے منہ کی بدبو کم ہوتی ہے۔ یہ منہ کے جراثیم کو کم کرنے اور دانتوں و مسوڑھوں کی صحت بہتر بنانے میں مددگار ہے۔

حوالہ جات: The Pharma Journal۔ CONSENSUS۔

مقدار خوراک:

ایک گرام تک