آک/آکھ/مدار

نام:

 اردو میں آک، آکھ، مدار کہتے ہیں۔ عربی میں عشر۔ فارسی میں خرک، زہر ناک۔ سندھی میں “اک”۔ بنگالی میں آکنڈہ کہتے ہیں۔ 

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Giant calotrope

Scientific name: Calotropis gigantean

Family: Apocynaceae

تعارف:

آک کو  انگلش میں ” Calotropis procera” کہتے ہیں۔ لفظ “Calotropis” یونانی زبان سے ماخوذ ہے، جس کا مطلب ہے “خوبصورت”، جس سے مراد اس کے پھول ہیں۔ جبکہ “procera” ایک لاطینی لفظ ہے جو اس کے پتوں اور تنے پر موجود کٹیکولر موم کا حوالہ دیتا ہے۔

آک مشہور و معروف پودا ہے، جس کے ساتھ بہت ہی خوبصورت پھول اور پھر  آم کی شکل کے پھل لگتے ہیں، جب یہ پھل پک جاتا ہے تو اس کے اندر سے اس کے بیج نکلتے ہیں، جو تربوز کے بیج سے ملتے جلتے ہیں، ان کے ساتھ روئی کی طرح کے سفید بال ہوتے ہیں اور ہوا کے ساتھ اڑتے ہوئے دور دور تک جاتے ہیں۔ آک کی ٹہنیوں اور پتوں کو توڑنے پر ان کے اندر سے سفید دودھ نکلتا ہے، جو زہریلا ہوتا ہے۔اس کے پتے برگد کے پتوں کی طرح ہوتے ہیں۔

یہ بھی پڑھیں: Myrtle آس    

یہ بھی پڑھیں: پاکستانی علاقوں کے طبی مزاج     

یہ بھی پڑھیں: ادویات کے تاثیری نام اور ان کی تشریح

کیمیاوی و غذائی  اجزا:

آک چونکہ غذائی پودا نہیں ہے اس لیے اس میں وٹامنز، منرلز وغیرہ کو نہیں دیکھا جاتا، بلکہ اس میں کچھ ایسے مرکبات پائے جاتے ہیں جو زہریلے ہیں، جس کی وجہ سے اس کا استعمال صرف ادویات میں کیا جاتا ہے۔جو چیز اس کی فائٹو کیمسٹری کو دلچسپ بناتی ہے وہ ہے پودے کے تمام حصوں سے دودھیا اور زہریلے لیٹیکس کا اخراج۔

اس پودے کا ہر حصہ زہریلا ہے، لیکن تنا (لیٹیکس) اور جڑیں پتوں سے زیادہ زہریلی ہیں۔ اس پودے کے پتوں میں تین زہریلے گلائکوسائیڈز :کیلوٹروپن(calotropin)، کیلوٹوکسین (calotoxin) اور اسچارین(uscharin)  ہوتے ہیں، جب کہ اس کے لیٹیکس میں کیلوٹروپن، کیلوٹوکسین اور کیلیکٹن(calactin) ہوتے ہیں، جو کاسٹک ہوتے ہیں اور زہریلے سمجھے جاتے ہیں۔ کیلیکٹن(calactin) زہر اس کے اپنی دفاعی نظام کا حصہ ہے جس کی وجہ سے اس پر کیڑے مکوڑے اور ٹڈی دل حملہ آور نہیں ہو سکتے۔

ان زہریلے مرکبات کے باوجود ادویاتی طور پر اس پودے کے بے شمار فوائد کا انکار نہیں کیا جاسکتا اسی لیے زمانہ قدیم سے لے کر آج جدید سائنس کے دور تک طب یونانی، میڈیکل سائنس سمیت دنیا کے ہر طریقہ علاج میں آک کا استعمال کیا جاتا ہے، اور اس کے فوائد کو سمیٹا جاتا ہے۔

کارڈیو نولائیڈ گلائکوسائیڈز (Cardenolide Glycosides)

کیلوتروپن (Calotropin)      کیلوٹوکسِن (Calotoxin)       کیلکٹِن (Calactin)               یوشارائیڈِن (Uscharidin)

اوزاریجنِن (Uzarigenin)     پروسیروسائیڈ (Proceroside)

فلیونوائیڈز (Flavonoids)

کوئرسیٹن-3-راہمنوسائیڈ (Quercetin-3-rhamnoside)

دیگر فلیونوائیڈ مرکبات

ٹرائٹیپنوئڈز (Triterpenoids)            الفا آیمیرن (α-Amyrin)    بیٹا آیمیرن (β-Amyrin)

دیگر ٹرائٹیپنوئڈز

سابونینز (Saponins)             الکالوائڈز (Alkaloids)

اسٹیرولز، فیٹی ایسڈز اور ایسٹرز (Sterols, Fatty Acids and Esters)

پروٹیز انزائمز (Proteolytic Enzymes)            فائیٹول (Phytol)    دیگر GC‑MS شناخت شدہ مرکبات

اثرات:

اس کا دودھ لازع (خراش پیدا کرتا ہے)۔ اکال (عضو کو کھانے والا)ہے۔ مقی (قے لانے والا)، ملین (پیٹ کو نرم کرنے والا) ، مولد رطوبات، مخرج صفراء و حرارت، مسکن دردہے۔

آک  کے دودھ میں زہریلے مرکبات ہوتے ہیں جیسے کارڈیک گلائکوسائیڈز (cardenolides)، جو زیادہ مقدار میں کھائے جانے پر دل اور اعصابی نظام کو متاثر کر سکتے ہیں۔

خواص و فوائد

دافع درد، محلل ، مولد رطوبات ہے۔ اس کا دودھ داد، چنبل، بواسیری مسوں پر لگانے سے شفا دیتا ہے۔ اس کا دودھ ایک حصہ اور سرسوں کا تیل تین حصے پکائیں، اور پھر جوڑوں یا کمر درد کی جگہ پر لگانے سے آرام آتا ہے۔  مولد رطوبات ہونے کی وجہ سے خشکی اور تیزابیت کے امراض میں نہایت ہی مفید ہے، مثلا خشک کھانسی، دمہ، معدہ اور آنتوں کی خشکی وغیرہ۔

مقدار خوراک:

عام حالت میں آک  کو کھانا نقصان دہ ہوتا ہے، صرف بیماری کی صورت میں طبیب کی ہدایت کے مطابق بامر مجبوری ایک سے دو قطرے شیرمدار کے  استعمال کیے جا سکتے ہیں۔اگر کوئی غلطی سے زیادہ کھا لے تو اس کے اثرات کو زائل کرنے کے لیے کوئی بھی ترش چیز کھا لیں، اس کا اثر زائل ہو جائے گا۔

طب پاکستانی میں آک کا مشہور مرکب “6تریاق” ہے۔ ایک گرام آک کا دودھ، 15گرام ہلدی میں ہلکا سا گرم کرکے خوب کھرل کریں۔ معدے اور آنتوں میں خشکی اور تیزابیت سے پیدا ہونے والے امراض، ایچ پائیلوری، آنتوں کی سوزش وغیرہ میں مفید ہے۔

اہم انتباہ:

آک ایک زہریلا پودا بھی ہے۔ اس کے دودھ کا آنکھوں میں جانا اندھے پن کا سبب بن سکتا ہے، اور اس کی زیادہ مقدار اندرونی طور پر لینے سے دل کی حرکت بند ہو سکتی ہے۔ اس کا استعمال ہمیشہ کسی ماہر طبیب یا ڈاکٹر کے مشورے سے کرنا چاہیے۔

حوالہ جات:  (پی ایم سی)۔  (وکی پیڈیا)۔  (International Journal of Pharmacognosy and Life Science)۔ 

(International Journal of Pharmacy)۔