انار

نام :

عربی میں رُمان حلو۔ فارسی میں انار شیریں۔ سندھی میں داڑھوں مٹھو۔ بنگالی میں داڑم، ڈالم کہتے ہیں۔

(تحریر و تحقیق: حکیم مولانا سید عبدالوہاب شاہ شیرازی)

نام انگلش:

Name: Pomegranate Sweet

Scientific name: punicagranatum lin

Family: Punicaceae

تعارف:

انار کا درخت دس سے پندرہ فٹ اونچا ہوتا ہے، اس کی ٹہنیاں بہت کمزور ہوتی ہیں۔ انار کے  پتےچمکدار، تنگ اور لانس کی شکل کے ہوتے ہیں، انار کے پھول  چمکدار سرخ، اکثر پانچ پنکھڑیوں کے ساتھ، اگرچہ کچھ اقسام میں زیادہ ہو سکتے ہیں، انار کاپھل ایک سخت، چمڑے والی جلد کے ساتھ گول، اندرپھل متعدد بیجوں سے بھرے چیمبروں میں تقسیم ہوتا ہے۔

 ذائقے کے لحاظ سے یہ تین اقسام کا ہوتا ہے، میٹھا، کھٹا، اور کھٹا میٹھا۔ بطور دوا انار کا پھل، انار کا جوس، اناردانہ، انار کا پھول، انار کا چھلگا سب استعمال ہوتے ہیں۔سب سے بہترین انار اس انار کو تصور کیا جاتا ہے جس کے دانوں میں رس بھرا ہوا ہو اور دانے نرم و شیریں ہوں۔

یہ بھی پڑھیں: املی

یہ بھی پڑھیں: تمام حکماء توجہ فرمائیں!

یہ بھی پڑھیں: امڑہ

کیمیاوی و غذائی  اجزا:

1. پولی فینولز

ایلیجٹیننز (Ellagitannins)           پونی­کیلاگن (Punicalagin)          ایلجک ایسڈ (Ellagic acid)

ٹیننز (Tannins)                                               گالاٹیننز (Gallotannins)

2. فلیونوائڈز

کیمریفیرول (Kaempferol)            لٹیولن (Luteolin)             مائرسِٹین (Myricetin)      کوئرسیٹن (Quercetin)

3. اینٹھوسائننز

سیانِڈن (Cyanidin)         ڈیل فِنِڈِن (Delphinidin)              پیلارگونِڈِن (Pelargonidin)

4. نامیاتی تیزاب

اسکوربک ایسڈ (Vitamin C)            سِٹرک ایسڈ (Citric acid)                مالِک ایسڈ (Malic acid)  

سوکسنک ایسڈ (Succinic acid)      فومارک ایسڈ (Fumaric acid)

5. فیٹی ایسڈز

پونی­کِک ایسڈ (Punicic acid)      اولئیک ایسڈ (Oleic acid)                 اسٹیرک ایسڈ (Stearic acid)

پیلیمِٹک ایسڈ (Palmitic acid)

6. وٹامنز

وٹامن C (اسکوربک ایسڈ)، وٹامن A، وٹامن E (ٹوکوفیرول)، وٹامن K، وٹامن B₆، فولٹ (B₉)، پینٹوتھینک ایسڈ (B₅)۔

7. منرلز

پوٹاشیم (K)، میگنیشیم (Mg)، کیلشیم (Ca)، فاسفورس (P)، سوڈیم (Na)، زنک (Zn)، آئرن (Fe)، کاپر (Cu)، منگنیز (Mn) ۔

حوالہ جات: Wikipedia۔  UMT Journals۔  پی ایم سی۔  ijrce.org۔  ایم ڈی پی آئی۔ 

اثرات:

انار شیریں یعنی میٹھا انار اعصابی غدی ہوتا ہے، یعنی اعصاب میں تحریک اور غدد میں تحلیل پیدا کرتا ہے۔ جبکہ ترش یعنی کھٹا انار عضلاتی اعصابی یعنی خشک سرد ہوتا ہے، عضلات میں تحریک اور اعصاب میں تحلیل پیدا کرتا ہےاور غدد میں تسکین پیدا کرتا ہے۔ انار شیریں مفرح قلب، مقوی اعصاب، دافع سوزش جگر و گردہ، مدر بول اور مخرج صفراء ہوتا ہے۔

خواص و فوائد

انار شیریں گرمی کو ختم کرتا ہے، اور جسم میں رطوبات اور سردی کو بڑھاتا ہے۔ جگر اور گردوں کی سوزش کو ختم کرتا ہے،مدر بول ہے،  گرمی کے بخاروں کو دفع کرتا ہے، خصوصا تپ دق میں بے حد مفید ہے۔  اسی طرح ترش انار بھی گرمی کو ختم کرتا ہے اور دل کو طاقت دیتا ہے، قابض ہے۔

٭انار کے بیج عضلاتی اعصابی مزاج رکھتے ہیں، عضلاتی ہاضم ہیں۔ رطوبات کی زیادتی کو ختم کرکے معدے کو طاقت دیتے ہیں، بھوک میں اضافہ کرتے ہیں، قابض اور اسہال و پیچش میں مفید ہیں۔

٭انار کا چھلکا مجفف اور قابض ہوتا ہے، مسوڑوں کو مضبوط کرتا ہے، مسوڑوں کے خون کو روکتا ہے، انہیں جلا کر چاٹنا کھانسی کے لیے مفید ہے۔

جدید سائنسی تحقیقات

انار میں پائی جانے والی پولی فینولز، ایلیجٹیننز، پونی­کیلاگن اور اینٹھوسائننز جسم میں فری ریڈیکلز کو کم کرتے ہیں۔ یہ مرکبات سوزش کم کرنے (anti-inflammatory) اور خلیات کی حفاظت کرنے والے اثرات رکھتے ہیں۔

انار کے رس اور بیج کا تیل کارڈیو میٹابولک فوائد دیتا ہے، جیسے بلڈ پریشر کم کرنا، کولیسٹرول متوازن رکھنا، اور دل کی بیماری کے خطرے کو کم کرنا۔

پولی فینولز انسولین کی حساسیت بہتر بنانے اور بلڈ شوگر کو متوازن رکھنے میں مددگار ہیں۔ انار کی چھال اور بیجوں میں موجود بایو ایکٹو اجزا بیکٹیریا اور وائرس کے خلاف کام کرتے ہیں۔ پونی­کیلاگن اور ایلجک ایسڈ جیسے پولی فینولز کینسر خلیات کی نمو کو روکنے اور خلیاتی موت کو بڑھانے میں مددگار ہیں۔

انار کے اینٹی آکسیڈنٹ مرکبات دماغی فنکشن بہتر بنانے اور یادداشت مضبوط کرنے میں مدد دیتے ہیں۔ وٹامن C اور اینٹھوسائننز کولاجن کی پیداوار بڑھاتے اور جلدی عمر رسیدگی کو کم کرتے ہیں۔ اینٹی سوزش اثرات جلد کے زخم اور سوزش کو کم کرنے میں مددگار ہیں۔

حوالہ: PubMed۔   این آئی ایچ۔

مقدار خوراک:

بطور پھل قدر ہضم۔ انار دانہ پانچ گرام۔