چنبیلی

نام :

عربی میں یاسمین۔ بنگالی میں چاملی، چمیلی۔ سندھی میں ٹانگروگل اور ہندی میں मोगरा کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Jasmine

Scientific name: Jasminum

Family: Oleaceae

تعارف:

چمبیلی ایک خوشبودار جھاڑی یا بیل دار پودا ہے جو گرم اور معتدل آب و ہوا میں اگتا ہے۔ اس کی لمبائی مختلف اقسام میں دو سے چھ میٹر تک ہو سکتی ہے۔ اس کا تنا اور شاخیں لکڑی دار، باریک اور بعض اوقات بیل کی صورت میں چڑھنے والی۔ اس کی چھال ہلکی بھوری اور ہموار ہوتی ہے، اس کے پتے بیضوی یا بیضوی نوک دار، سبز اور نرم۔ بعض اقسام میں سادہ، بعض میں مرکب پتے ہوتے ہیں۔اس کے پھول  چھوٹے، سفید یا زرد رنگ کے، پانچ تا سات پتڑیاں (پتیاں) رکھنے والے، شدید خوشبودار، عموماً شام یا رات کو زیادہ خوشبو دیتے ہیں جبکہ اس کی خوشبو میٹھی اور دلکش، خاص طور پر شام کے وقت زیادہ پھیلتی ہے۔ اس کا پھل بیضوی یا گول چھوٹا سا، پکنے پر سیاہ یا جامنی رنگ کا۔

یہ بھی پڑھیں: چنار

یہ بھی پڑھیں: چنا

یہ بھی پڑھیں: چمک پتھر / مقناطیس

چمبیلی کا شمار دنیا کے سب سے زیادہ کاشت کیے جانے والے خوشبودار پودوں میں ہوتا ہے۔ یہ زیادہ تر باغات، گھروں، صحن اور گملوں میں خوبصورتی اور خوشبو کے لیے لگائی جاتی ہے۔ اس کی کئی اقسام ہیں، جن میں Jasminum sambac (عربی چمبیلی)، Jasminum grandiflorum (کسانی چمبیلی) اور Jasminum officinale (عام چمبیلی) زیادہ مشہور ہیں۔ عرب ممالک، برصغیر، مشرقی ایشیائی علاقوں میں اس کی خوشبو سے عطر، صابن، خوشبو دار تیل اور کاسمیٹکس تیار کیے جاتے ہیں۔

کیمیاوی و غذائی  اجزا:

چمبیلی میں وٹامنز، منرلز، پروٹینز، قدرتی تیل، اور کئی حیاتیاتی مرکبات جن کے طبی فوائد بھی سائنسی تحقیق سے ثابت ہوئے ہیں۔

وٹامنز:

 وٹامن بی ون (B1)، وٹامن بی سکس (B6)، وٹامن سی (C)، کیروٹین اور فولک ایسڈ شامل ہیں۔

منرلز:

 پوٹاشیم، مینگنیز اور کیلشیم شامل ہیں۔

پروٹینز اور غذائی اجزاء:

چمبیلی میں پروٹین، کاربوہائیڈریٹس اور کئی ضروری امینو ایسڈز موجود ہیں۔

ثانوی مرکبات (Phytochemicals):

چمبیلی کے مختلف حصوں،پھول، پتے اور جڑ میں کئی حیاتیاتی سرگرمی رکھنے والے مرکبات پائے جاتے ہیں۔ ان میں الکالوئڈز، گلیکوسائیڈز، ٹیننز، سیرجنانٹس، سٹرایڈز اور فینولکس شامل ہیں۔ اس کے علاوہ فلاوونوئڈز اور فینولکس جیسے رُوٹِن، کوئرسِٹرِن (Quercitrin) اور آئیسوکوئرسِٹرِن (Isoquercitrin) بھی موجود ہیں، جو طاقتور اینٹی آکسیڈنٹ خصوصیات رکھتے ہیں۔

دیگر اہم مرکبات:

چمبیلی میں کومرینز (Coumarins)، کارڈیک گلائیکوسائیڈز (Cardiac glycosides)، ساپوننز (Saponins) اور اسٹیرائیڈز (Steroids) بھی پائے گئے ہیں۔

خوشبو دار تیل (Essential oils):

چمبیلی کی مہک اس کے خوشبودار تیل میں موجود مرکبات سے آتی ہے۔ ان میں جرانیول (Geraniol)، جاسمون (Jasmone)، لائنالول (Linalool)، بینزائل ایسیٹیٹ (Benzyl acetate)، بینزائل بینزویٹ (Benzyl benzoate)، میتھائل بینزوئیٹ (Methyl benzoate) اور کئی دوسرے ٹرپینوئیڈز، ایسٹرز اور الکحلز شامل ہیں۔ یہ تیل عطر سازی، اروماتھراپی اور دواؤں میں استعمال ہوتے ہیں۔

جڑ اور پتوں کے خاص اجزاء:

چمبیلی کی جڑ میں ڈوٹریاکونٹانویوک ایسڈ (Dotriacontanoic acid)، ڈوٹریاکونٹانول (Dotriacontanol)، اولیانولک ایسڈ (Oleanolic acid)، ڈاؤکوسٹرول (Daucosterol)، ہیسپریڈین (Hesperidin) اور جاسمینوائڈز اے تا ڈی (Jasminoids A–D) پائے جاتے ہیں۔

پتوں میں الفا-امائرن (α-amyrin)، بیٹا-سائٹوسٹرول (β-sitosterol)، رُوٹِن (Rutin)، کوئرسِٹرِن (Quercitrin)، آئیسوکوئرسِٹرِن (Isoquercitrin) اور رہمنوگلائیکوسائیڈز (Rhamnoglycosides) شامل ہیں۔

جدید دریافت شدہ مرکبات:

حالیہ تحقیق میں Jasmintides نامی 27 امینو ایسڈ پر مشتمل cysteine-rich peptides بھی دریافت ہوئے ہیں جو ممکنہ طور پر اینٹی مائیکروبیل خصوصیات رکھتے ہیں۔ اس کے علاوہ beta-primeveroside اور beta-rutinoside جیسے خوشبو پیدا کرنے والے پیش خیمہ گلیکوسائیڈز بھی شناخت ہوئے ہیں جو مخصوص خوشبو کے اہم ماخذ ہیں۔

حوالہ جات:  وکی پیڈیا  ۔  سائنس ڈائریکٹ  ۔  ریسرچ گیٹ  ۔  این آئی ایچ 

اثرات:

چمبیلی اعصاب میں تحریک، عضلات میں تقویت اور غدد میں تسکین پیدا کری ہے، جسم میں رطوبات کا اضافہ کرتی ہے۔ مسکن درد، مفرح قلب، مسمن بدن، مسمن ذکر، مخرج و قاتل کرم معدہ و امعاء، مانع ادرار حیض ہے۔

خواص و فوائد

چمبیلی مسکن درد ہونے کی وجہ سے خاص طور پر دانت درد، مسوڑھوں کے درد کے لیے مفید ہے۔چونکہ خوشبودار ہے اس لیے دماغ و اعصاب میں تحریک پیدا کرتی ہے جس سے رطوبات میں اضافہ ہوتا ہے اور جسم سے خون جاری ہونا بند ہو جاتا ہے۔مولد رطوبات ہونے کی وجہ سے سرد درد کا باعث بھی بن جاتی ہے۔ مسمن بدن ہونے کی وجہ سے بدن کو موٹا تو کرتی ہے لیکن طاقتور کرنے کے بجائے کمزور کرتی ہے۔مسمن ذکر ہونے کی وجہ سے اس کا لیپ یا طلاء آلہ تناسل کو موٹا کرتا ہے۔ پیٹ، معدہ اور آنتوں کے کیڑوں کو مارتی ہے۔اس کا استعمال مردانہ مسائل میں کیا جاتا ہے لیکن اس کے اثرات نفسانی و دماغی ہوتے ہیں، یعنی یہ جسمانی عضو میں طاقت پیدا نہیں کرتی بلکہ خوشبودار ہونے کی وجہ سے اعصابی و دماغی تحریک کی وجہ سے نفسانی شہوت میں تحریک پیدا کرتی ہے اور خواہش پیدا کرتی ہے۔یہی حال باقی خوشبووں کا بھی ہے، خوشبوئیں نفسانی خواہش کو بڑھاتی ہیں۔

چمبیلی  کے خوشبودار پھول اور پتے صدیوں سے طبی اور عطری مقاصد کے لیے استعمال ہو رہے ہیں۔ روایتی طب میں چمبیلی کے پھول  آشوبِ چشم،  پیٹ درد،   زخم، چھاتی کے سرطان،  رحم سے خون آنے اور دانت درد جیسے امراض میں استعمال کیے جاتے ہیں۔

ہندوستان میں چمبیلی (Jasminum sambac) اعلیٰ درجے کے عطر اور اروما تھراپی مصنوعات میں استعمال ہوتی ہے، جبکہ اس کے سستے مصنوعی تیل صابن، خوشبودار ماچس، بخور اور ایئر فریشنر بنانے میں بھی استعمال ہوتے ہیں۔ اس کے پتوں کا رس زخم بھرنے، کیل مہاسے صاف کرنے، آنتوں کے کیڑے نکالنے، ایام کی باقاعدگی، گردوں کی صفائی اور آنکھوں کی سوزش میں لگایا جاتا ہے۔ چین میں اس کے پتے فالج، پیچش اور پیٹ درد جیسے امراض کے علاج میں استعمال کیے جاتے ہیں۔ اپنی اعلیٰ طبی و خوشبوئی اہمیت کی بنا پر یہ ایشیا کے کئی ممالک میں سب سے زیادہ کاشت کی جانے والی اقسام میں شمار ہوتی ہے۔

جدید سائنسی و تحقیقی فوائد

• ذہنی سکون: چمبیلی کی خوشبو اعصاب کو آرام دیتی ہے، ڈپریشن اور تناؤ کم کرتی ہے اور موڈ بہتر بناتی ہے۔
• جراثیم کش اثرات: پھول اور پتے بیکٹیریا اور فنگس، خاص طور پر اسٹافائلکوکس آریئس اور ای کولائی، کے خلاف مؤثر ہیں۔
• زخم اور سوزش میں آرام: پتوں کا لیپ یا عرق سوزش، درد اور سوجن میں کمی لاتا ہے۔
• ہاضمہ بہتر بنانا: چائے یا قہوہ بدہضمی، گیس اور پیٹ کے مروڑ میں آرام دیتا ہے۔
• مدافعتی نظام مضبوط کرنا: وٹامن سی اور اینٹی آکسیڈنٹ خلیات کو فری ریڈیکلز کے نقصان سے بچاتے ہیں۔
• دل کی صحت: کومرینز اور فلاوونوئڈز خون کی روانی بہتر کرتے ہیں اور لوتھڑے بننے کے امکانات کم کرتے ہیں۔
• خواتین کی صحت: حیض کے درد میں آرام اور ہارمونی توازن کی بحالی میں مدد دیتا ہے۔
• جلد اور بالوں کی حفاظت: تیل جلد کو نرم اور بالوں کو مضبوط کرتا ہے اور کیل مہاسے کم کرتا ہے۔
• توانائی اور بحالی: خوشبو اور چائے جسم کو تازگی دیتی ہے اور نقاہت کم کرتی ہے۔

حوالہ: ویب ایم ڈی: 

مقدار خوراک:

جڑ: دو سے تین گرام