تخم ریحان / نیاز بو

نام :

عربی میں شاہسفرم، بزرالریحان۔ بنگالی میں توک ماری۔ ہندی میں پیری کے بیج۔ سندھی پنجابی  میں نیاز بو کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Sweet Basil Seeds

Scientific name: Ocimum basilicum

Family: Mints

تعارف:

ریحان تلسی کی اقسام میں سے ایک قسم ہے، اسے ریحان الملک اور سلطان الریاحین بھی کہتے ہیں۔ اس کے پتے اور شاخیں اور تنا سرخی مائل ہوتے ہیں اور پھول نیلگوں ہوتے ہیں۔ بعض سرخ سیاہی مائل گچھوں میں لگتے ہیں۔ اس کے بیجوں کا رنگ سیاہ ہوتا ہے، ذائقہ پھیکا لعاب دار ہوتے ہیں۔

یہ بھی پڑھیں: تخم بلسان

یہ بھی پڑھیں: تخم بالنگو / تخم ملنگاں

یہ بھی پڑھیں: تج / چائنہ دارچینی

کیمیاوی و غذائی  اجزا:

وٹامن

ریحان میں وٹامن اے، سی، ای اور وٹامن کے پائے جاتے ہیں۔

منرلز (Minerals)

میگنیشیم: 31.55 ملی گرام۔ کیلشیم: 636 ملی گرام۔ پوٹاشیم: 481 ملی گرام۔ آئرن،زنک ، سوڈیم ، میگنیز ، تانبا ، فاسفورس مقدار کم میں پائے جاتے ہیں۔

دیگر اجزا (Other Components)

اسپارتک ایسڈ: 4.61 ملی گرام۔ سیریں: 3.58 ملی گرام۔ گلٹامک ایسڈ: 10.55 ملی گرام۔ گلائسین: 3.12 ملی گرام۔ ہسٹیڈین: 1.70 ملی گرام

آرگینین: 8.48 ملی گرام۔ تھریونین: 2.16 ملی گرام۔ ایلانین: 2.65 ملی گرام۔ پرولین: 2.25 ملی گرام۔ ٹائروسین: 2.08 ملی گرام۔

ویلین: 2.63 ملی گرام۔ لائسن: 1.56 ملی گرام۔ آئسولیوسین: 1.91 ملی گرام۔ لیوسین: 4.02 ملی گرام۔ فینائل ایلینین: 3.49 ملی گرام

اثرات:

تخم ریحان عضلات وقلب میں تحریک، اعصاب میں تحلیل اور جگر میں تسکین پیدا کرتے ہیں۔کیمیاوی طور پر بلغم کو گاڑھا اور سوداء کی پیدائش میں اضافہ کرتے ہیں۔ مقوی قلب، مقوی معدہ، مقوی امعاء، قابض، حابس، مسکن حرارت اثرات رکھتے ہیں۔

خواص و فوائد

تخم ریحان معدہ و آنتوں کو طاقت دیتے ہیں، خاص طور پر سنگرہنی کے مرض میں جبکہ کھانا ہضم نہیں ہوتا ہے اور فورا پیشاب آجاتا ہے، اس مقصد کے لیے انہیں بریاں کرکے کھلانا مفید ہے۔ اگر رطوبات اور بلغم کی زیادتی ہو جائے تو تخم ریحان اس کے لیے مفید ہیں۔ہر قسم کے سیلان کو روک دیتے ہیں۔

جدید سائنسی تحقیقات:

ریحان کے بیج (Ocimum basilicum) کے اینٹی خصوصیات

1. اینٹی آکسیڈنٹ

فینائل ایلینین (3.49 ملی گرام)، ٹائروسین (2.08 ملی گرام) اور گلٹامک ایسڈ (10.55 ملی گرام) جسم میں فری ریڈیکلز کو کم کر کے عمر رسیدگی کے اثرات کم کرتے ہیں اور خلیات کی حفاظت کرتے ہیں۔

2. اینٹی انفلامیٹری (سوزش کم کرنے والا)

آرگینین (8.48 ملی گرام) اور پرولین (2.25 ملی گرام) سوزش کو کم کر کے جوڑوں کے درد، گٹھیا اور دیگر سوزش والی بیماریوں میں مددگار ثابت ہوتے ہیں۔

3. اینٹی بیکٹیریل

ریحان کے بیج میں پائے جانے والے قدرتی تیل اور فلیوونائڈز بیکٹیریا کے خلاف مزاحمت بڑھاتے ہیں اور جسم کو مختلف انفیکشنز سے بچاتے ہیں۔

4. اینٹی وائرل

زنک اور دیگر منرلز مدافعتی نظام کو مضبوط بنا کر وائرسز کے حملے سے بچانے میں مدد دیتے ہیں، خاص طور پر نزلہ، زکام اور فلو میں مفید ہیں۔

5. اینٹی فنگل

بیسل کے بیجوں میں موجود قدرتی مرکبات فنگل انفیکشن کو روکنے میں مدد دیتے ہیں، خاص طور پر جلدی مسائل جیسے کہ خارش اور پھپھوندی میں مفید ہیں۔

6. اینٹی کینسر

اینٹی آکسیڈنٹس اور مخصوص امینو ایسڈز کینسر کے خطرے کو کم کرنے میں معاون ثابت ہوتے ہیں، کیونکہ یہ فری ریڈیکلز کو نیوٹرلائز کر کے خلیات کو نقصان سے بچاتے ہیں۔

7. اینٹی ڈپریسنٹ

ٹائروسین (2.08 ملی گرام) اور گلٹامک ایسڈ (10.55 ملی گرام) دماغی افعال کو بہتر بنا کر ڈپریشن اور ذہنی دباؤ کو کم کرتے ہیں، جس سے موڈ خوشگوار رہتا ہے۔

8. اینٹی ڈیابیٹک (بلڈ شوگر کنٹرول کرنے والا)

تھریونین (2.16 ملی گرام) اور ویلیین (2.63 ملی گرام) خون میں گلوکوز کی سطح کو متوازن رکھنے میں مدد دیتے ہیں، جس سے ذیابیطس کے مریضوں کو فائدہ ہوتا ہے۔

9. اینٹی ہیپٹوٹاکسک (جگر کی حفاظت کرنے والا)

بیسل کے بیجوں میں پائے جانے والے قدرتی فلیوونائڈز اور اینٹی آکسیڈنٹس جگر کے افعال کو بہتر بناتے ہیں اور نقصان دہ ٹاکسنز کو باہر نکالنے میں مدد دیتے ہیں۔

10. اینٹی ہائپرٹینسیو (بلڈ پریشر کو کم کرنے والا)

پوٹاشیم (481 ملی گرام) بلڈ پریشر کو متوازن رکھنے میں مدد دیتا ہے، جس سے ہائی بلڈ پریشر کے مریضوں کو فائدہ ہوتا ہے۔ یہ تمام اینٹی خصوصیات جدید سائنسی تحقیقات سے ثابت شدہ ہیں اور ریحان کے بیجوں کو ایک قدرتی شفائی غذا بناتی ہیں۔

حوالہ:

مقدار خوراک:

پانچ گرام