انجیر

نام :

عربی میں التین۔ بنگالی میں ڈومور۔ ہندکو میں پھگاڑ کہتے ہیں۔

(تحریر و تحقیق: حکیم سید عبدالوہاب شاہ)

نام انگلش:

Fig

Scientific name: Ficus carica

تاثیری نام:

ملین،منضج، محلل

مقام پیدائش:

ہندوستان، پاکستان کے تمام علاقوں میں،

مزاج  طب یونانی: 

گرم تر

مزاج  طب پاکستانی: 

غدی اعصابی

یہ بھی پڑھیں: فروزن شولڈر

یہ بھی پڑھیں: انجبار

یہ بھی پڑھیں: انت مول

تعارف:

انجیر کا درخت دس سے پندرہ فٹ اونچا ہوتا ہے۔ انجیر کی دو قسمیں ہیں ایک جنگلی خود رو، جبکہ دوسری کاشت کی جاتی ہے اور باغات لگائے جاتے ہیں۔ جنگلی سائزمیں چھوٹی اور بہت میٹھی ہوتی ہے، جو زیادہ تر کشمیر، ہزارہ ، مانسہرہ کے علاقوں میں خود رو اگتی ہے، باغاتی انجیر تو گرم تر ہوتی ہے لیکن جنگلی انجیر کے بارے کچھ حکماء کا خیال ہے کہ یہ گرم خشک ہوتی ہے۔ انجیر کے پتے کافی بڑے بڑے اور اوپر سے کھردرے ہوتے ہیں، انجیر کا کوئی بھی حصہ توڑیں تو اس میں سے دودھ نکلتا ہے، جو جسم پر لگنے کی صورت میں سوزش کرتا ہے۔ انجیر کا پھل پکنے کے بعد سیاہی مائل جامنی رنگ کے ہوتے ہیں، جن کے اندر باریک باریک بیج کافی تعداد میں ہوتے ہیں۔پھل کا ذائقہ شیریں ہوتا ہے۔ایران، بلوچستان اور افغانستان کی انجیر عمدہ تصور کی جاتی ہے جو سائز میں بڑی اور خشک کرنے پر خشک ہو جاتی ہے، جسے رسیوں میں پرو کر ہار بنا لیے جاتے ہیں۔

نفع خاص:

قبض، بواسیر میں مفید اور  پوٹاشیم کے حصول کا ذریعہ ہے۔

کیمیاوی و غذائی  اجزا:

انجیر 100 گرام  میں:

وٹامنز:

وٹامن اے: 0.007 ملی گرام           وٹامن سی: 2 ملی گرام          وٹامن کے: 0.0047 mg

فولیٹ (وٹامن B9):6 ملی گرام                   وٹامن بی 6: 0.11 ملی گرام    نیاسین (وٹامن بی 3): 0.4 ملی گرام

رائبوفلاوین  (وٹامن B2): 0.05 ملی گرام         تھامین (وٹامن بی 1): 0.06 ملی گرام     پینٹوتھینک ایسڈ (وٹامن بی 5): 0.3 ملی گرام

معدنیات:

کیلشیم: 35 ملی گرام            آئرن: 0.37 ملی گرام        میگنیشیم: 17 ملی گرام                   فاسفورس: 14 ملی گرام

پوٹاشیم: 232 ملی گرام         زنک: 0.15 ملی گرام         کاپر: 0.07 ملی گرام           مینگنیج: 0.13 ملی گرام

دیگر غذائی مرکبات:

فائبر: 2.9 گرام             کاربوہائیڈریٹ: 19.2 گرام   شکر: 16.3 گرام (زیادہ تر فرکٹوز اور گلوکوز)

پروٹین: 0.75 گرام          چربی: 0.3 گرام              سیر شدہ چربی: 0.06 گرام

مونو ان سیچوریٹڈ چربی(Monounsaturated Fat): 0.05 گرام

پولی ان سیچوریٹڈ چربی(Polyunsaturated Fat): 0.14 گرام

اضافی فائٹو کیمیکل:

پولی فینول: انجیر میں متعدد پولی فینولک مرکبات ہوتے ہیں، جیسے فلیوونائڈز اور اینتھوسیاننز، جن میں اینٹی آکسیڈنٹ خصوصیات ہیں۔

انزائمز: انجیر میں فیکن اینزائم ہوتا ہے، جو گوشت کو ٹینڈرائزر کے طور پر استعمال کیا جاتا ہے اور اس میں ہاضمہ خصوصیات ہیں۔

اثرات:

ملین شکم ہے۔ مقوی، محلل، منضج، مدربول، منفث بلغم، جالی ہے۔

خواص و فوائد

ملین ہونے کی وجہ سے پیٹ کو نرم کرتی ہے اور قبض کو کھولتی ہے۔ بواسیر میں کافی مفید ہے۔ دمہ اور کھانی میں مفید ہے۔طحال یعنی تلی کے ورم کو ختم کرتی ہے، جگر کے سدوں کو کھولتی ہے۔ گردہ مثانہ کی ریت کو نکالتی ہے۔

مقدار خوراک:

پانچ سے دس دانے