ابہل

نام :

( عربی ) حب العرعر ( فارسی ) تخم رہل ( ہنسی ) ہو بیر ( بنگالی ) ہبوشا ( گجراتی ) ہوش ( سندھی ) آہوبیرد ( انگریزی ) جونیپربیریز۔ اور ہندی میں अभाल کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Juniper Berries

Scientific name: Cupressaceae

Family: Cupressaceae

تعارف:

ابہل، یا ، ہوبیر اس کی دو قسمیں ہیں ایک بڑا درخت ہوتا ہے جس کے پتے سرو کے پتوں کی طرح ہوتے ہیں، جبکہ ایک درخت چھوٹا ہوتا ہے اس کے پتے عام پتوں کی طرح ہوتے ہیں۔ دونوں  کا پھل گول جنگلی بیر کے برابر سرخ رنگ کا ہوتا ہے لیکن جب پک جاتا ہے تو کالے رنگ کا ہو جاتا ہے، اس کے اندر سے بیج نکلتے ہیں۔ اس کا ذائقہ میٹھا ہوتا ہے۔

کیمیاوی و غذائی  اجزا:

وٹامنز (فی 100 گرام):

وٹامن سی: 27.0 ملی گرام               وٹامن اے:  0.90 ملی گرام

معدنیات (فی 100 گرام):

کیلشیم: 429 ملی گرام          آئرن: 4.58 ملی گرام        میگنیشیم: 34 ملی گرام                   فاسفورس: 109 ملی گرام

پوٹاشیم: 770 ملی گرام         سوڈیم: 4 ملی گرام             زنک: 1.30 ملی گرام         تانبا: 0.45 ملی گرام

مینگنیز: 1.35 ملی گرام

اثرات:

جالی یعنی جلد کو چھیل کا صاف کرتا ہے۔محلل یعنی عضو کی لیسدار اخلاط کو بخارات بنا کر ختم کر دیتا ہے۔مدربول اور مدرحیض ہے پیشاب اور حیض کو جاری کرتا ہے۔ مسلسل استعمال حمل کو گرادیتا ہے۔کاسر ریاح ہونے کی وجہ سے گیس کو تورٹا ہے۔

یہ بھی پڑھیں: ابرک

یہ بھی پڑھیں: ابریشم

خواص و فوائد

ابہل وٹامن سی، کیلشیم ، پوٹاشیم کا بہترین ذریعہ ہے۔ مقوی باہ ہے اور جلد کے داغوں اور نشانوں کو مٹاتا ہے اور اس کے بکثرت استعمال سے حمل ساقط ہو جاتا ہے ۔خواتین کے  حیض کو جاری کرنے میں بھی معاون ہے۔ حیض کی کمی یا درد کے ساتھ آنا کا بہترین علاج ہے۔کاسر ریاح ہونے کی وجہ سے امراض معدہ میں بھی مفید ہے۔ابہل کو چبانا اس کے جراثیم کش اوراینٹی سوزش کے اثر کی وجہ سے سوجن اور متاثرہ مسوڑھوں کے علاج کے لیے مفید ہے۔

ابہل اینٹی آکسیڈینٹ، اینٹی مائکروبیلز، ہائپوگلیسیمک(hypoglycemic)، ہائپولیپیڈیمک(hypolipidemic)، سائٹوٹوکسک (cytotoxic)اور اینٹی سوزش (anti-inflammatory)خصوصیات رکھتا ہے۔

جدید تحقیقات

ایک جائزے نے نوٹ کیا کہ Juniperus communis کے استخراج (extracts) اور تیل (essential oil) میں اینٹی آکسیڈنٹ، اینٹی مائکروبیل، اینٹی فنگل، اینٹی انفلامیٹری سرگرمیاں پائی گئی ہیں۔

مزید یہ کہ جونیپر بیریز کے تیل میں شامل اجزاء جیسے α-پائینین، سابینین، لیمونین وغیرہ نے خلیاتی سطح پر سوزش کم کرنے کے اثرات ظاہر کیے ہیں۔ ایک تحقیق کے مطابق Juniperus communis L. یعنی ابہل یا جونیپر بیری حیض (ماہواری) کے دوران ہونے والے درد کو کم کرنے میں مؤثر پائی گئی۔تحقیق سے ظاہر ہوا کہ یہ دوا نہ صرف درد اور سوزش کو کم کرتی ہے بلکہ جسم کی عمومی کیفیت اور خواتین کی روزمرہ زندگی کے معیار کو بھی بہتر بناتی ہے۔اس کے استعمال سے رحم (بچہ دانی) کی خون کی روانی میں بھی بہتری دیکھی گئی، جو اس بات کی نشاندہی کرتی ہے کہ ابہل جسم میں ہارمونی توازن پیدا کرنے اور رحم کے عمل کو بہتر بنانے میں مددگار ثابت ہو سکتی ہے۔

حوالہ: PMC۔ 

احتیاط:

ابہل کو صرف معالج کی ہدایت کے مطابق کم مقدار اور کم مدت تک استعمال کرنا چاہیے کیونکہ جدید سائنسی تحقیات کے مطابق لمبے عرصے تک یا زیادہ مقدار میں  ابہل کا  استعمال غیر محفوظ ہو سکتا ہے اور گردے کے مسائل اور آنتوں کی جلن کا سبب بن سکتا ہے۔ ابہل  بیر بلڈ پریشر کو متاثر کر سکتا ہے اور اس کو کنٹرول کرنا مشکل بنا سکتا ہے۔ ابہل کے بیری کے عرق کا استعمال ذیابیطس کے مریض میں بلڈ شوگر کو بہت زیادہ کم کر سکتا ہے۔ لہذا، ذیابیطس کے لئے دوائی لینے والے مریضوں کو ابہل سے پرہیز کرنا چاہئے کیونکہ یہ بلڈ شوگر کو بہت کم سطح تک مزید کم کرنے کا سبب بن سکتا ہے۔

مقدار خوراک:

تین سے پانچ گرام