ابرک

نام :

عربی میں المیکا۔ فارسی میں میکا۔ ہندی میں بھوڈل۔ بنگالی میں ابھر۔ گجراتی میں ابرکھ کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Mica

Scientific name: Muscovite

Family:

تعارف:

ابرک ایک معدنی پتھر ہے جو تہہ در تہہ پرتوں پر مشتمل ہوتا ہے۔ بہت ہی آسانی سے ٹوٹ جاتا ہے۔ اس کی کئی اقسام ہیں، عام طور پر بطور دوا ابرک سیاہ کو مفید سمجھا جاتا ہے۔ سیاہ کی چند اقسام:

(1) ناگ، جوآگ پر رکھنے سے سانپ کی طرح پھنکار تا ہے۔ ( 2)مسن،  جو مینڈک کے رنگ کا ہوتا ہے اورآگ  پر رکھنے سے چٹ چٹ کرتا ہے۔ (3)پنک ، جو زرد رنگ کا ہوتا ہے اور آگ پر رکھنے سے زرد رنگ کا دھواں دیتا ہے۔ ( 4) گگن، جو شبنم کی مانندآسمان سے گرتا ہے۔ اہل صنعت  اسے بہت اچھا مانتے ہیں۔ سیا ہ ابرک (mica stone) کا کشتہ رنگت میں سرخ ہوجاتا ہے اور سفید ابرک کا سفید  یا بادامی رنگ ہوتا ہے۔

یہ بھی پڑھیں: اتیس

ابرک پانی میں حل نہیں ہوتا، تیزاب میں گھل کر نیچے بیٹھ جاتا ہے۔ مولی اور کیلا کے پانی میں حل ہو جاتا ہے۔ آگ میں راکھ نہیں ہوتا صرف پھولتا اور چٹختا ہے لیکن شورہ قلمی کے ہمراہ مکلس ہوتا ہے۔قلعی  کا پانی سوخت کرتا ہے، پارہ کو عقد کرتا ہے، تانبہ کو سفید کرتا ہے۔

کیمیاوی و غذائی  اجزا:

ابرک ایک معدنی چیز  ہے جو بنیادی طور پر سلیکیٹ معدنیات پر مشتمل ہے، بشمول مسکووائٹ، بائیوٹائٹ، اور فلوگوپائٹ وغیرہ۔ اس میں وٹامنز یا غذائی اجزاء اس طرح نہیں ہوتے جیسے کھانے کی چیزوں  میں ہوتے ہیں۔ اس کے بجائے، ابرک کیمیائی عناصر جیسے پوٹاشیم، ایلومینیم، سلکان، آکسیجن، اور بعض اوقات آئرن، میگنیشیم اور لیتھیم جیسے دیگر عناصرپر مشتمل ہوتا ہے۔

اثرات:

عضلاتی اعصابی ہونے کی وجہ سے عضلات میں تحریک، اعصاب میں تحلیل اور غدد میں تسکین پیدا کرتا ہے۔

خواص و فوائد

دل کی کمزوری میں مفید ہے۔ دماغ کی سوزش اور جلن کو دور کرتا ہے۔ جگر کی گرمی کو دور کرکے اس کو تسکین دیتا ہے۔ معدے کو طاقت دے کر بھوک بڑھاتا ہے۔ آنتوں کو طاقت دے کر اسہال روکتا ہے۔ مثانہ کی سوزش کو دور کرکے امساک پیدا کرتا ہے۔ ذیابیطس کے لیے مفید ہے اس کے لیے کچھ حکماء کشتہ ابرک استعمال کراتے ہیں۔ بلغمی اور اعصابی امراض میں مفید ہے۔ مثانہ اور گردوں کی صفائی کرتا ہے۔ جذام، آتشک اور برص کی بیماریوں میں بھی مفید ہے۔ابرک کا استعمال، خاص طور پر کاسمیٹکس اور الیکٹرانکس جیسی صنعتوں میں بھی کیا جاتا ہے۔

اگر ابرک کو پھٹکڑی، گیرو، خطمی کے لعاب اور انڈے کی سفید میں ملا کر کسی عضو پر طلا کر دیا جائے تو وہ عضو آگ میں نہیں جلتا۔

ابرک کا استعمال ہمیشہ مصفی اور کشتہ کی صورت میں ہی کیا جاتا ہے۔

جدید تحقیقات

ایک مطالعہ نے دیکھا ہے کہ مِیکا کی دھول (خاص طور پر مسکوفائٹ کی ملّنگ یونٹ میں) میں ملا لوگ پلمونری بیماریوں – پنیوموکو نیوسس – کا شکار ہوئے۔ فوگرافی اور نمونے کے تجزیے سے پتہ چلا کہ مِیکا کے عکاس ذرات پھیپھڑوں میں جمع ہو گئے تھے۔

مجموعی جائزے کے مطابق، مِیکا “معتدل زہریلا” ہو سکتا ہے اور پھیپھڑوں میں فیبروسیس (ریانے والی ساخت) کا باعث بن سکتا ہے، خاص طور پر اگر دھول-زبانی یا طویل مدتی نمائش ہو۔

حوالہ: PubMed۔ 

مقدار خوراک:

100 ملی گرام