آلو بالو/ چیری

نام:

 اسے اردو میں شاہ دانہ یا چیری بھی کہتے ہیں جبکہ عربی میں قراصیا، فارسی میں کیلاس کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Wild Cherry

Scientific name: Prunus Cerasus Linn

Family: Rosaceae

تعارف:

آلو بالو یا چیری ایک مشہور عام پھل ہے اس کا درخت گھنی شاخوں والا ہوتا ہے، جس کے ساتھ ریٹھے کے برابر بنٹوں کی طرح سرخ پھل لگتے ہیں، عام طور پر جوڑے کی شکل میں پھل ہوتے ہیں۔ آلو بالو کمیاب پھل ہے اس لیے بازار میں کافی مہنگا ملتا ہے، لیکن جتنے اس کے فوائد ہیں اس لحاظ سے کافی سستا سمجھنا چاہیے۔ چیری کے پتے گہرا سبز، بیضوی، دھارے دار کناروں کے ساتھ ہوتے ہیں۔ جبکہ اس کے پھول سفید یا ہلکے گلابی، بہار میں کھلتے ہیں، اور پھل چھوٹے، گول، سرخ، یا گہرے سرخ رنگ کے ہوتے ہیں۔

آلو بالو یعنی چیری کی دنیا بھر میں تقریباً50اقسام پائی جاتی ہیں، جن کا ذائقہ اور خوشبو مختلف ہے۔عام طور پر چیری کی دو قسمیں مشہور ہیں، ایک جنگلی چیری اور دوسری عام باغات کی چیری۔ اس کی ذائقے کے اعتبار سے بھی دو قسمیں بیان کی جاتی ہیں، ایک کھٹی چیری اور دوسری میٹھی چیری۔ جنگلی چیری کو ہائی بلڈ پریشر میں مفید سمجھا جاتا ہے۔ چیری کے پھلوں کو خشک کر کے زیادہ عرصے تک محفوظ بھی رکھا جاتا ہے۔ آلو بالو یا چیری  اپنی خوبصورتی اور فوائد میں بے مثال ہے۔ یہ موسم گرما کے شروع میں مارکیٹ میں آ جاتا ہے۔

یہ بھی پڑھیں: آلو

یہ بھی پڑھیں: Asarabacca آسارون

یہ بھی پڑھیں: وٹامنز اور ان کے فوائد

کیمیاوی و غذائی  اجزا:

1. پولی فینولز (Polyphenols)

یہ مرکبات Prunus cerasus پھل میں سب سے زیادہ پائے جاتے ہیں اور مضبوط اینٹی آکسیڈینٹ خصوصیات رکھتے ہیں۔

فلوان-3-اولز (Flavan-3-ols)       انٹھو سیننز (Anthocyanins) ہائڈروکسیسِنمک ایسڈز (Hydroxycinnamic acids)

فلیوونولز (Flavonols)          کل ٹوٹل پولی فینول (Total Polyphenols)

2. انٹھو سیننز (Anthocyanins)

یہ رنگین پگمنٹس ہیں جو Wild Cherry کے گہرے سرخ تا جامنی رنگ کے پھل کا رنگ دیتے ہیں:

Cyanidin-3-glucoside                               Cyanidin-3-rutinoside

3. نامیاتی ایسڈز (Organic Acids)

Prunus cerasus میں مختلف نامیاتی ایسڈ پائے جاتے ہیں، جو پھل کے تیز ذائقے کے ذمہ دار ہیں:

مالک ایسڈ (Malic acid) — سب سے زیادہ مقدار میں              مالونک ایسڈ (Malonic acid)                               آکسیلک ایسڈ (Oxalic acid)

شیکیمک ایسڈ (Shikimic acid)           فیوماریک ایسڈ (Fumaric acid)

4. شکر اور دیگر غذائی اجزا

Wild Cherry پھل میں قدرتی شکر اور غذائی اجزا بھی موجود ہیں:

گلوکوز (Glucose)                  فرکٹوز (Fructose)                 سوکروز (Sucrose)

5. نیوٹریشنل مواد (غذائی اجزا)

پانی (Moisture)    پروٹین (Protein)  چکنائی (Fat)            فائبر (Fiber)         وٹامن سی (Vitamin C)

معدنیات جیسے کیلشیم، پوٹاشیم، آئرن وغیرہ

اثرات:

آلو بالو اعصاب میں تحریک، غدد میں تحلیل اور عضلات میں تسکین پیدا کرتا ہے۔ ملین، مدر بول، مسمن بدن، مسکن صفراء  اثرات رکھتا ہے۔

خواص و فوائد

میٹھا آلو بالو مسہل اور ملین ہوتا ہے، جبکہ ترش آلو بالو سینہ اور حلق کے کھرکھرے پن اور کھانسی میں مفید ہے۔ صفرا کو تسکین دیتا ہے۔ متلی اور پیاس کو نافع ہے۔ گردہ مثانہ کی پتھری کو خارج کرتا ہے۔مدر بول ہونے کی وجہ سے پیشاب کثرت سے لاتا ہے۔

جدید سائنسی تحقیقات

Wild Cherry (Prunus cerasus Linn) جسے ترش یا کھٹی چیری بھی کہا جاتا ہے، سائنسی تحقیق کے مطابق کئی اہم طبی فوائد رکھتی ہے۔ اس کے پھل میں پائے جانے والے قدرتی پولی فینولز اور انٹھوسائننز مضبوط اینٹی آکسیڈینٹ ہوتے ہیں جو جسم میں فری ریڈیکلز کو کم کرکے خلیات کو نقصان سے بچاتے ہیں۔ یہی خصوصیت اسے قبل از وقت بڑھاپے، عمومی کمزوری اور مختلف دائمی بیماریوں کے خلاف مفید بناتی ہے۔ سائنسی مطالعات سے یہ بات بھی ثابت ہوئی ہے کہ وائلڈ چیری میں سوزش کم کرنے کی صلاحیت موجود ہے۔ اس کے استعمال سے جسم میں سوزش پیدا کرنے والے کیمیائی مادے کم ہوتے ہیں، اسی لیے اسے جوڑوں کے درد، گٹھیا اور عضلاتی سوزش میں مفید سمجھا جاتا ہے۔ بعض تحقیقی رپورٹس کے مطابق اس کے اجزا رمیٹائڈ آرتھرائٹس جیسے امراض میں سوزش کے عوامل کو دبانے میں مدد دیتے ہیں۔

دل اور خون کی نالیوں کی صحت کے حوالے سے بھی Prunus cerasus کے مثبت اثرات سامنے آئے ہیں۔ تحقیق سے ظاہر ہوا ہے کہ اس کے باقاعدہ استعمال سے خون میں چکنائی اور خراب کولیسٹرول میں کمی آ سکتی ہے، جس سے دل کی بیماریوں کا خطرہ کم ہوتا ہے۔ اس کے اینٹی آکسیڈینٹ اجزا خون کی نالیوں کی اندرونی سطح کو بھی تحفظ فراہم کرتے ہیں۔مجموعی طور پر، وائلڈ چیری ایک غذائی اور طبی پھل ہے جس کے فوائد جدید سائنسی تحقیق سے ثابت ہو چکے ہیں، البتہ علاج کے طور پر استعمال سے پہلے ماہرِ طب یا معالج سے مشورہ ضروری ہے۔

حوالہ جات: (پی ایم سی)۔  (ایم ڈی پی آئی)۔  (پب میڈ)۔ 

مقدار خوراک:

100گرام