آلو

نام:

 سندھی پٹاٹا، عربی البطاطس، اور  فارسی میں سیب زمینی کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Potato

Scientific name: Solanum Tuberosum Linn

Family: Solanaceae

تعارف:

آلو ایک سبزی ہے جو کسی تعارف کی محتاج نہیں، اس کا پودا باہر اور پھل یعنی آلو مٹی کے اندر ہوتا ہے۔ اسے بڑے پیمانے پر خود کاشت کیا جاتا ہے۔ آلو کی چپس کو بچے بہت پسند کرتے ہیں۔

یہ بھی پڑھیں: زنگار تانبا

یہ بھی پڑھیں: زرشک / سمبل پھل

یہ بھی پڑھیں: زراوند مدحرج

کیمیاوی و غذائی  اجزا:

میکرو غذائی اجزا (Macronutrients)

کاربوہائیڈریٹس (Carbohydrates)       پروٹین (Protein)  چربی (Fat)              غذائی ریشہ / فائبر       پانی (Water)

وٹامنز (Vitamins)

وٹامن سی ، وٹامن بی6 ، وٹامن بی1 / تھایمین ، وٹامن بی2 / رائبوفلاوِن، وٹامن بی9 / فولیٹ ۔

منرلز (Minerals)

پوٹاشیم، فاسفورس ، میگنیشیم ، آئرن ، کاپر ، مینگنیز ۔

بائیو ایکٹو اجزا / فائیٹوکیمیکلز (Bioactive Compounds / Phytochemicals)

کلورو جینک ایسڈ (Chlorogenic Acid)              کیروٹینوئڈز (Carotenoids)

ان تھوسیاننز / اینتھوسیاننز (Anthocyanins)         فینولک کمپاؤنڈز (Phenolic Compounds)

اینٹی نیوٹریشنل اجزا / الکالائڈز (Anti-nutritional Compounds / Glycoalkaloids)

سولانین (Solanine)               چاکونین (Chaconine) ۔

اثرات:

قابض  ہونے کی وجہ سے دیر ہضم ہے یعنی جلدی ہضم نہیں ہوتا۔ نفاخ ہونے کی وجہ سے اپھارہ پیدا کرتا ہے، کبھی کبھی پیٹ پر بوجھ بن جاتا ہے۔ اگر بلغمی مزاج والا زیادہ کھایا جائے تو پھیپڑوں کے افعال تیز ہو کر کھانسی لاتا ہے اور بلغم کا اخراج کرتا ہے۔اگر مسلسل استعمال کیا جائے تو پھیپڑوں میں سوزش پیدا کر دیتا ہے، چنانچہ عضلاتی مزاج لوگوں کے لیے مضر ہے، تپ دق کے مریضوں کو سخت نقصان دیتا ہے۔

خواص و فوائد

مرطوب اور اعصابی مزاج والے لوگوں کے لیے بہت ہی مفید ہے، کیونکہ یہ عضلاتی محرک ہے، اعصابی محلل اور غدی مسکن ہے۔ اگر جسم کا کوئی حصہ جل جائے تو اس پر ابلا ہوا آلو لگانے سے چھالہ نہیں بنتا۔آلو میں اجزا لحمیہ کم اور نشاستہ زیادہ ہے، چھلے ہوئے آلو کی بہ نسبت چھلکے والے آلوؤں میں سے پکاتے وقت وٹامنز کم ضائع ہوتے ہیں۔

جدید سائنسی تحقیقات

آلو ایک غذائیت سے بھرپور سبزی ہے جو توانائی کا بہترین ذریعہ ہے، کیونکہ اس میں نشاستہ (Starch) اور کاربوہائیڈریٹس وافر مقدار میں پائے جاتے ہیں۔ یہ جسم کو فوری توانائی فراہم کرتا ہے اور دماغ و عضلات کے افعال کے لیے مفید ہے۔ فائبر کی موجودگی آنتوں کی صحت اور نظام ہاضمہ کے لیے اہم ہے، اور قبض جیسے مسائل کو روکنے میں مدد دیتا ہے۔ آلو میں وٹامن سی وافر مقدار میں ہوتا ہے جو مدافعتی نظام کو مضبوط کرتا ہے، زخموں کی جلدی بھرائی اور آئرن کی جذب کو بہتر بناتا ہے۔ وٹامن بی6 اور دیگر B وٹامنز میٹابولزم اور اعصابی نظام کے لیے ضروری ہیں۔

منرلز کی موجودگی جیسے پوٹاشیم دل کی صحت اور بلڈ پریشر کے توازن کے لیے اہم ہے، جبکہ میگنیشیم، فاسفورس اور آئرن ہڈیوں، خون اور جوڑوں کے افعال کو سہارا دیتے ہیں۔ آلو میں موجود فینولک کمپاؤنڈز، کلورو جینک ایسڈ، کیروٹینوئڈز اور اینتھوسیاننز جیسے بائیو ایکٹو اجزا اینٹی آکسیڈنٹ اثر رکھتے ہیں، جو خلیاتی سوزش، آکسیڈیٹیو اسٹریس اور دل کی بیماریوں کے خطرے کو کم کرنے میں مددگار ہیں۔ آلو کے استعمال سے بلڈ شوگر کی سطح پر بھی معتدل اثر پڑ سکتا ہے، بشرطیکہ اسے مناسب مقدار اور صحت مند طریقے سے پکایا جائے۔

حوالا جات:

()۔ https://snaped.fns.usda.gov/resources/nutrition-education-materials/seasonal-produce-guide/potatoes

()۔ https://pmc.ncbi.nlm.nih.gov/articles/PMC10253093

()۔ https://pmc.ncbi.nlm.nih.gov/articles/PMC6267054/

مقدار خوراک:

250 گرام