بورہ ارمنی

نام :

عربی میں غضار أرمينيا  اردو میں پاپڑی نمک۔ ہندی میں کھاری سون۔ سنسکرت میں کھانج نمک۔ سندھی میں چانیہور۔ فارسی میں بورہ ارمنی کہتے ہیں۔

(تحریر و تحقیق: حکیم سید عبدالوہاب شاہ)

نام انگلش:

Name: Armenian bole

Scientific name: bole armoniac

Family:

تعارف:

بورہ ارمنی ایک قسم کا نمک ہے اور یہ آرمینیا سے آتا ہے اس لیے بورہ ارمنی کہتے ہیں۔یہ کلر والی زمین سے نکلتا ہے، یعنی ایسی زمین جہاں پانی اوپر آجاتا ہے اسے کلر والی زمین کہتے ہیں، اس مٹی میں یہ نمک ہوتا ہے۔اس کا رنگ سفید یا سرخ ہوتا ہے۔

بورہ ارمنی کی دو قسمیں ہیں:       ایک معدنی/قدرتی۔ اور دوسری  مصنوعی

قدرتی ذرائع میں پانچ قسمیں ہیں۔

1۔ بورہ ارمنی:  یہ ایک سادہ سفید رنگ اور  کڑوا ذائقہ میں ہوتا ہے. یہ اعلیٰ ترین معیار کا ہے۔

2. نیٹرون- یہ نرم اور سرخ رنگ کا ہوتا ہے۔
3. بورک الخبازین- یہ ایک سرمئی رنگ ہے جو تہہ دار ہے۔
4. بورک الصنعت- یہ ایک سفید، اور اسفنجی، بھاری اور چمکدار ہوتی ہے۔
5. بورا زبدی- یہ ایک نرم، ہلکا وزن اور سرخ رنگ کا ہے اور بورک ایسڈ کے مرکب سے حاصل ہوتا ہے۔

مصنوعی ذریعہ:

 بورہ ارمنی مصنوعی طور بورک ایسڈ اور  سوڈیم کاربونیٹ سے بنایا جاتا ہے۔

یہ بھی پڑھیں: بوٹی فرید

یہ بھی پڑھیں: بنولہ

یہ بھی پڑھیں: بنفشہ

کیمیاوی و غذائی  اجزا:

بورہ ارمنی میں: بورک ایسڈ (Boric Acid)۔ سوڈیم کاربونیٹ (Sodium Carbonate)۔ کیلشیم کاربونیٹ (Calcium Carbonate)۔ دیگر معدنیات جیسے کیلشیم اور سوڈیم وغیرہ شامل ہیں۔

اثرات:

ملین، مقی، جالی، مخرج ریاح ہے۔

خواص و فوائد

بورہ ارمنی اخلاط غلیظہ کو ختم کرتا ہے، گیس کو خارج بھی کرتا ہے اور گیس بننے کو روکتا بھی ہے، پیٹ کو نرم کرتا ہے، صالح صفراء پیدا کرتا ہے۔محلل ریاح ہونے کی وجہ سے مالیخولیا کے لیے مفید ہے۔ خون سے تمام غلیظ مادے خارج کردیتا ہے۔خونی بواسیر کے لیے مفید ہے۔اس میں جالی اثرات ہونے کی وجہ سے اسے جلد کے امراض اور صفائی کی چیزوں میں بھی استعمال کیا جاتا ہے، خشکی اور قبض کی وجہ سے ہونے والے احتلام کی بیماری کے لیے مفید ہے۔ شہد میں ملا کر آنکھوں میں لگانے سے آنکھوں کی بیماریوں میں بھی مفید ہے۔ بورہ ارمنی مشہور معجون جوارش کمونی کا اہم جزو ہے۔

مقدار خوراک:

دوگرام