آم تعارف و فوائد

(تحقیق و تحریر: حکیم سید عبدالوہاب شاہ)

نام:

 پنجابی میں انب۔ عربی میں مانجو۔ فارسی انبہ کہتے ہیں۔

نام انگلش:

Name: Mango

Scientific name: Mangifera indica

Family: Anacardiaceae

تعارف:

آم دنیا بھر میں ہر کسی کا پسندیدہ پھل ہے۔ اس کے درخت باغوں کی صورت لگائے جاتے ہیں، اور گرمیوں کے پھلوں میں سب سے زیادہ پسند کیا جانے والا پھل ہے۔ آم کو تمام پھلوں کا بادشاہ بھی کہا جاتا ہے۔ آم کی بیشمار اقسام  اور بے شمار ذائقے ہیں۔ آم کے درخت کے پتے، چھال وغیرہ بھی ادویات میں استعمال ہوتے ہیں۔

یہ بھی پڑھیں: Peach آڑو

یہ بھی پڑھیں: تاثیر اور درجات تاثیر

یہ بھی پڑھیں: Asarabacca آسارون

کیمیاوی و غذائی  اجزا:

آم مختلف وٹامنز اور منرلز سے بھرپور ہوتے ہیں۔

بنیادی غذائی اجزا

پانی ، توانائی / کیلوریز ، کاربوہائیڈریٹس، شوگر ، پروٹین ، چربی ، غذائی ریشہ / فائبر۔

وٹامنز

وٹامن سی ، وٹامن اے ، وٹامن ای ، وٹامن کے ، وٹامن بی1 ، وٹامن بی2، وٹامن بی3 ، وٹامن بی5، وٹامن بی6 ، فولیٹ / وٹامن بی9، چولین۔

معدنیات / منرلز

پوٹاشیم ، کیلشیم ، آئرن، میگنیشیم ، فاسفورس ، زنک، کاپر ، مینگانیز ، سیلینیم۔

بایو ایکٹو مرکبات / فوائٹو کیمیکل

کاروٹینوئڈز (Carotenoids – Beta‑carotene, Lutein, Zeaxanthin)

پولی فینولز (Polyphenols)   مینگرفیرن (Mangiferin)     فلاوونوئڈز (Flavonoids)    فینولک ایسڈز (Phenolic Acids)

پیکٹن (Pectin)     اینزائمز (Enzymes)             اینٹی آکسڈنٹس (Antioxidants)

اثرات:

چونکہ یہ غدی اعصابی ہے اس لیے جسم میں گرمی کے ساتھ رطوبات پیدا کرتا ہے۔ بہترین ہاضم اور ملین ہے۔

خواص و فوائد

آم جگر اور گردوں کو تقویت دیتا ہے۔ مقوی باہ ہے۔ اگر آم ترش ہو تو مقوی معدہ ہوتا ہے۔

جدید سائنسی فوائد

آم میں وٹامنز، منرلز، غذائی ریشہ اور بایو ایکٹو مرکبات کی موجودگی اسے نہ صرف مزیدار بلکہ صحت کے لیے بھی فائدہ مند بناتی ہے۔ وٹامن سی اور اینٹی آکسڈنٹس جسم میں فری ریڈیکلز کو کم کرنے میں مدد دیتے ہیں، جس سے مدافعتی نظام مضبوط ہوتا ہے اور سوزش کم ہوتی ہے۔ بیٹا‑کیروٹین اور وٹامن اے نظر کی صحت اور آنکھوں کی بیماریوں کے خلاف تحفظ فراہم کرتے ہیں، جبکہ وٹامن ای اور فلیونوئڈز جلد کی حفاظت اور عمر رسیدگی کی علامات کو کم کرنے میں معاون ہیں۔ آم میں موجود پوٹاشیم اور میگنیشیم دل کی صحت، بلڈ پریشر کے کنٹرول اور دل کی دھڑکن کے توازن کے لیے مفید ہیں۔ غذائی ریشہ ہاضمے کو بہتر بناتا ہے اور قبض کے خطرے کو کم کرتا ہے۔

پولی فینولز اور مینگرفیرن جیسے مرکبات سوزش اور بعض اینٹی کینسر سرگرمیوں میں معاون ثابت ہوئے ہیں۔ تحقیق سے پتہ چلا ہے کہ آم کے مختلف حصے، خاص طور پر چھلکا، خون میں شکر کو متوازن رکھنے اور جگر کی صحت کے لیے بھی فائدہ مند ہیں۔ مختصراً، آم ایک قدرتی اینٹی آکسڈنٹ، مدافعتی مضبوطی، ہاضمے کی بہتری، دل کی صحت اور جلد و آنکھوں کے لیے مفید غذا ہے، جو روزانہ کی خوراک میں شامل کرنا جسمانی صحت کے لیے بہترین ہے۔

مقدار خوراک:

پیٹ بھر کر کھایا جاسکتا ہے۔

حوالہ جات: