آل(پتنگ )

(تحریر و تحقیق: حکیم سید عبدالوہاب شاہ)

نام:

 عربی میں بقم فارسی میں بکم ، ہندی میں دکھشنی ، بنگالی میں بکم کاشٹھ اور پتنگ لکڑی کہتے ہیں۔

نام انگلش:

Sappan wood

Scientific name: Caesalpinia sappan

تاثیری نام:

مجفف قابض اور حابس الدم

مقام پیدائش:

برما ، مدراس ، اور دکن، وغیرہ

مزاج  طب یونانی:

گرم و خشک درجہ سوم

مزاج  طب پاکستانی:

غدی عضلاتی

تعارف:

یہ در خت بکم ہندی کی لکڑی کا اندرونی حصہ ہے ۔ یہ لکڑی سرخ رنگ کی ہے ۔ اس کے جو شاندہ سے کپڑے رنگ جاتے ہیں ۔ سرخ صند ل کی لکڑی سے مشابہ لیکن زیادہ سخت ہو تی ہے۔  آل کی لکڑی کپڑے رنگنے اورسرخ رو شنائی بنانے میں کا م آتی ہے ۔ لکڑی کو ٹکڑوں میں کاٹ کر پانی میں ابال کر رنگ نکالا جاتا ہے۔ساپن یعنی آل  کی لکڑی کا استعمال ریشم اور کپاس کے استعمال سے بنے ہوئے ٹیکسٹائل کو رنگنے، اعلیٰ معیار کا فرنیچر اور آرائشی اشیاء تیار کرنے اور چاول اور نوڈلز جیسے کھانے کو رنگنے کے لیے بھی کیا جاتا ہے۔

نفع خاص:

 مجفف قروح ۔یعنی زخموں کو خشک کرنا۔سکن کی بیماریوں میں بیرون استعمال میں مفید ہے۔

یہ بھی پڑھیں: Myrtle آس

یہ بھی پڑھیں: پاکستانی علاقوں کے طبی مزاج

یہ بھی پڑھیں: تاثیر اور درجات تاثیر

کیمیاوی و غذائی  اجزا:

اگرچہ یہ وٹامنز اور معدنیات کا بنیادی ذریعہ نہیں ہے، لیکن اس میں کئی بایو ایکٹیو مرکبات ہیں جیسے:  اینٹی کینسر، اینٹی مائکروبیل، اینٹی سوزش، اینٹی آرتھرٹک، نیورو پروٹیکٹو اثر اور اینٹی آکسیڈنٹ موجود ہیں۔

اثرات:

یہ نہایت قابض ہے۔ حابس الدم ہے یعنی خون کے بہاو کو روکتا ہے، کیونکہ اس میں بہت زیادہ خشکی پائی جاتی ہے، اپنی خشکی کی وجہ سے رگوں میں سدہ پیدا کرکے خون کے بہاو کو روک دیتا ہے، زخموں پر لگانے سے کھرنڈ بناکر خون کو روک دیتا ہے۔

خواص و فوائد

  آل کے سفوف کو پرانے اور تازہ زخمو ں پر چھڑکتے ہیں ۔ یہ خون کو بند کر نے اور زخم کو بھرنے کے لئے مفید ہے۔ بچوں کے اسہال وپیچیش میں کھلا تے ہیں اس کے جو شاندہ سے مر ض سیلا ن الرحم میں پچکا ری کرتے ہیں ۔ اس کے جو شاندہ سے منہ دھونا چہرے کے رنگ کو نکھارتا ہے ۔  لیکن زیادہ مقدار میں دینےسے خشکی پیدا ہو تی ہے ۔

آل  کی لکڑی کو اس کی سوزش، اینٹی آکسیڈینٹ، اور اینٹی مائکروبیل خصوصیات کے لیے روایتی ادویات کے طریقوں میں استعمال کیا جاتا رہا ہے۔ کھانسی، بخار، معدے کے مسائل اور جلد کے حالات سمیت بہت سی بیماریوں کا علاج اس سے کیا گیا ہے، مزید برآں، اسے خون صاف کرنے والے اور کسیلی کے طور پر استعمال کیا گیا ہے۔

مقدار خوراک:

صرف دو سے تین گرام استعمال کریں۔ یاد رکھیں   پندرہ گرام زہر قاتل ہے۔