آلو بخارا

(تحقیق و تحریر: حکیم سید عبدالوہاب شاہ)

نام:

 عربی میں اجاص۔ فارسی میں آلوے بخارا کہتے ہیں۔

نام انگلش:

Plum

Scientific name: Prunus Domestica Linn

تاثیری نام:

ملین، مسکن حرارت و صفراء

مقام پیدائش:

 کشمیر سمیت پاکستان کے پہاڑی اور شمالی علاقہ جات میں پایا جاتا ہے۔

مزاج  طب یونانی:

ترش: خشک سرد۔ شیریں: تر سرد

مزاج  طب پاکستانی:

ترش آلو بخارا عضلاتی اعصابی۔ شیریں آلو بخارا اعصابی عضلاتی۔

تعارف:

آلو بخارا ایک مشہور عام پھل ہے جو ہر جگہ دستیاب ہوتا ہے۔ سائز میں تقریبا آلو کے برابر ہوتا ہے۔  اس کا رنگ گہرا سرخ سیاہی مائل ہوتا ہے۔ آلو بخارے کی کئی اقسام ہیں، کچھ سائز میں چھوٹے چیری کی طرح ہوتے ہیں جن کا رنگ پیلا ہوتا ہے، اور کچھ سائز میں کافی بڑے اور مکمل سیاہ ہوتے ہیں۔ آلو بخارا ذائقے میں ترش بھی ہوتا ہے اور شیریں بھی۔آلو بخارے کو خشک بھی کیا جاتا ہے اور خشک پھل اینٹی آکسیڈنٹ سے بھرپور ہوتا ہے۔ آلو بخارے کی چٹنی اور جام بھی بنائی جاتی ہے۔

یہ بھی پڑھیں: Peach آڑو

یہ بھی پڑھیں: پاکستانی علاقوں کے طبی مزاج

یہ بھی پڑھیں: ایسی اصطلاحات جو بطور علاج بولی جاتی ہیں۔

نفع خاص:

ملین ہونے کے ساتھ ساتھ  حرارت اور صفراء کو تسکین دیتا ہے اور خون کے جوش کو دفع کرتا ہے۔

کیمیاوی و غذائی  اجزا:

آلو بخارے میں مختلف کیمیائی اجزا پائے جاتے ہیں: جیسے فلیوونائڈز(flavonoids)، فلیوونائڈ گلائکوسائیڈز(, flavonoid glycosides)،  ابسیسک ایسڈ(abscisic acid)، لگنان کیروٹینائڈ پگمنٹ(lignans carotenoid pigments)،  کوئینک ایسڈ(quinic acid)، بائیپائرول(bipyrrole)، اور کاربوہائیڈریٹس(carbohydrates)۔

 ایک آلو بخارے میں 40 کیلوریز، 57 گرام پانی، 1.4گرام فائبر، 0.46 پروٹین، 3.96 ملی گرام کیلشیئم، 4.62 ملی گرام میگنیشم، 10.6 ملی گرام فاسفورس، 104 ملی گرام پوٹاشیم، 6.27 ملی گرام وٹامن سی، فولیٹ، وٹامن اے اور وٹامن K جیسے غذائی اجزا موجود ہوتے ہیں۔

اثرات:

ترش آلو بخارا عضلات میں تحریک پیدا کرتا ہے، اعصاب میں تحلیل اور غدد میں تسکین پیدا کرتا ہے۔ جبکہ میٹھا آلو بخارا اعصاب میں تحریک، غدد میں تحلیل اور عضلات میں تسکین پیدا کرتا ہے۔

خواص و فوائد

حیاتیات کے باب میں قدرتی مصنوعات سے دوا سازی کا عمل بہت قدیم ہے ۔ ورلڈ ہیلتھ آرگنائزیشن (ڈبلیو ایچ او) کے مطابق، دنیا کی 80 فیصد آبادی  آج بھی بیماریوں کے علاج کے لیے روایتی ادویات کا استعمال کرتی ہے۔ خاص طور پر ایسی قدرتی مصنوعات جو غذا کے ساتھ ساتھ دوا کا کام بھی کرتی ہیں، انہیں میں سے ایک آلو بخارا بھی ہے۔

آلوبخارا ضعف معدہ اور قبض میں مفید ہے۔ پیاس کی شدت کو ختم کرتا ہے۔ بلغمی کھانسی  اور بلغمی دمہ میں نہایت مفید ہے۔

مقدار خوراک:

حسب منشاء