تمباکو

نام :

عربی میں التبغ۔ سندھی میں تماک۔ بنگالی میں تماکو کہتے ہیں۔

(تحریر و تحقیق: حکیم سید عبدالوہاب شاہ شیرازی)

نام انگلش:

Name: Tobacco

Scientific name: Nicotiana tabacum

Family: Solanaceae

تعارف:

تمباکو مشہور و معروف چیز ہے، جو عام طور پر سگریٹ نسوار میں استعمال ہوتا ہے۔ تمباکو کا پودا: ایک یا دو سالہ ہوتا ہے، جس کی اونچائی 1.5 سے 2 میٹر تک ہو سکتی ہے۔اس کے پتے: بڑے، بیضوی، نرم، چپٹے اور چپچپے ہوتے ہیں۔اور پھول: گلابی یا سفید رنگ کے چھوٹے پھول ہوتے ہیں جو خوشبو دار ہوتے ہیں۔ جبکہ اس کے بیج: بہت چھوٹے ہوتے ہیں اور ایک گرام میں ہزاروں بیج آ سکتے ہیں۔

تمباکو کا اصل وطن تو امریکا و یورپ ہے لیکن ہندوستان میں یہ اکبر بادشاہ کے آخری دور میں آیا تھا، چنانچہ جہانگیر نے اپنی کتاب میں اس کا ذکر کیا ہے کہ تمباکو امریکا سے ہمارے ملک میں میرے والد کے دور میں آیا۔

یہ بھی پڑھیں: تلسی

یہ بھی پڑھیں: تل

یہ بھی پڑھیں: ترور / اڑوس

کیمیاوی و غذائی  اجزا:

فی 100 گرام خشک تمباکو

اہم کیمیائی اجزاء (Per 100g Dry Leaf)

نکوٹین (Nicotine):  600 – 3000 ملی گرام۔ (یعنی 0.6% – 3%)

سولانیسول (Solanesol):  1000 – 4000 ملی گرام۔ (1% – 4%)

نور نکوٹین (Nornicotine):  50 – 250 ملی گرام۔

اناباسین (Anabasine):  30 – 200 ملی گرام

مایوسمائن (Myosmine):  5 – 50 ملی گرام

 معدنیات (Minerals per 100g Dry Leaf)

کیلشیم (Calcium): 2297 ملی گرام      پوٹاشیم (Potassium):2640 ملی گرام

میگنیشیم (Magnesium): 241 ملی گرام فاسفورس (Phosphorus):242 ملی گرام

سلفر (Sulfur):378 ملی گرام

 ٹریس منرلز (Trace Elements per 100g)

آئرن (Iron):1490 ملی گرام                 زنک (Zinc):4.36 ملی گرام                   کاپر (Copper):0.51 ملی گرام

منگنیز (Manganese):13.6 ملی گرام  سیلینیم (Selenium): 17.2 مائیکروگرام

لیڈ (Lead):0.0972 ملی گرام (زہریلا)                           کیڈمیم (Cadmium):0.223 ملی گرام (زہریلا)

کرومیم (Chromium):0.63 ملی گرام     نکل (Nickel):0.149 ملی گرام

آرسینک (Arsenic):0.0138 ملی گرام (زہریلا)                  مرکری (Mercury):0.0023 ملی گرام (زہریلا)

 تمباکو کے بیجوں میں موجود اجزاء (Per 100g Seed Oil)

لینولک ایسڈ (Linoleic acid): 61700 – 67600 ملی گرام۔ اولیک ایسڈ (Oleic acid):15500 – 19000 ملی گرام

پالمیٹک ایسڈ (Palmitic acid):9100 – 12500 ملی گرام۔ وٹامن ای (Tocopherols):106 ملی گرام

پروٹین (Seed Cake):26700 – 34100 ملی گرام۔ سیلولوز:32500 – 45200 ملی گرام

اثرات:

تمباکو حابس رطوبات و بلغم، مقئی، محلل اعصاب، معطش، مسکن درد اثرات کا حامل ہے۔

خواص و فوائد

تمباکو کا دھواں پھیپھڑوں سے رقیق بلغم کو غلیظ کرکے خارج کرتا ہے اور انتڑیوں کی حرکت اخراجیہ کو تیز کرکے قبض بھی رفع کرتا ہے۔ دمہ اور بلغمی کھانسی میں چار پانچ ماشہ پتوں کو پانی میں ابال کر پلاتے ہیں تاکہ قے آکر سینے میں جمع شدہ بلغم نکل سکے۔ جن اعضاء میں رطوبت کی کثرت ہو عضلاتی اعصابی محرک ہونے کی وجہ سے اس کے لیے مفید ہے۔ چونکہ تمباکو رطوبات کو خشک کرتا ہے اس لیے اس کا مسلسل استعمال انسان کو دبلا پتلا کر دیتا ہے۔

تمباکو کے نقصانات:

ضعف طاری کرتا ہے، جی متلاتا ہے، سر گھومتا ہے، سرد پسینہ آتا ہے، نبض بیٹھ جاتی ہے۔تمباکو کا جوہر جسے نکوٹین کہتے ہیں ایک زہر ہے جو حرکت قلب کو بند کرکے ہلاک کرتا ہے، نکوٹین کی ایک رتی موت واقع کرتی ہے۔ایک کلو تمباکو میں سے صرف ایک رتی نکوٹین نکلتی ہے اور ایک کلو تمباکو کوئی بھی نہیں کھا سکتا۔ تمباکو کے مسلسل استعمال سے ضعف حافظہ، بے خوابی، گلے کی خراش، کھانسی، دل کا دھڑکنا اور ضعف باہ پیدا ہوتی ہے۔

جدید سائنسی و طبی تحقیقات

1. اہم کیمیکل اجزاء (Key Chemical Components):

تمباکو کے پتوں اور ان کے جلنے سے پیدا ہونے والے دھوئیں میں چار ہزار (4000+) سے زیادہ کیمیکل پائے جاتے ہیں۔

ان میں سب سے مشہور نکوٹین (Nicotine) ہے، جسے 1828 میں دو سائنسدانوں Posselt اور Reimann نے تمباکو کے پتے سے علیحدہ کیا تھا۔

نکوٹین ہی وہ کیمیکل ہے جو تمباکو کا نشہ پیدا کرتا ہے اور تمباکو نوش افراد کو عادت ڈال دیتا ہے۔یہ ایک زہریلا مادہ ہے، جو قلیل مقدار میں دماغ اور اعصابی نظام کو تحریک (stimulate) دیتا ہے، جبکہ زیادہ مقدار میں اسے دبا (depress) دیتا ہے۔نکوٹین دل کی دھڑکن (heart rate) اور بلڈ پریشر کو بڑھاتا ہے۔یہ خون میں لوتھڑے (thrombosis) اور شریانوں کی بندش (atheroma) جیسی خطرناک بیماریوں کا سبب بھی بن سکتا ہے۔

1۔نکوٹین (Nicotine):

یہ تمباکو میں سب سے نمایاں اور فعال کیمیکل ہے جو انسانی اعصابی نظام پر براہ راست اثر انداز ہوتا ہے۔ یہ دماغ میں ڈوپامین (Dopamine) کی سطح بڑھا کر عادت (Addiction) پیدا کرتا ہے۔

2۔ایناباسین (Anabasine)، نورنکوٹین (Nornicotine)، میوسمائن (Myosmine):

یہ دیگر قریبی کیمیکل اجزاء ہیں جو تمباکو میں پائے جاتے ہیں اور زہریلے (Toxic) اثرات رکھتے ہیں۔ یہ جسمانی خلیوں (Cells) کو نقصان پہنچا سکتے ہیں۔

3۔ٹار (Tar)، کاربن مونو آکسائیڈ (Carbon monoxide)، نائٹروسامینز (Nitrosamines):

یہ وہ خطرناک مادے ہیں جو تمباکو کے جلنے کے دوران بنتے ہیں اور سانس کی نالی، پھیپھڑوں اور دل پر انتہائی مضر اثرات ڈال سکتے ہیں۔ ان میں سے بہت سے مادے کینسر (Cancer) پیدا کرنے والے (Carcinogenic) ہیں۔

2. صحت پر مضر اثرات:

WHO اور FDA کے مطابق تمباکو دنیا میں اموات کی ایک بڑی وجہ ہے، خاص طور پر:

• پھیپھڑوں کا سرطان (Lung Cancer)
• دل کے امراض (Cardiovascular diseases)
• سانس کی بیماریاں (COPD, asthma)
• ہائی بلڈ پریشر، ذیابیطس، اور جگر کی بیماریاں

3. سائنسدانوں کی تحقیق:

Nicotene دماغ کے dopamine ریسیپٹرز پر اثر انداز ہو کر عادت پیدا کرتا ہے۔ Harvard School of Public Health کے مطابق نکوٹین نشہ آور (Addictive) ہے اور اعصابی نظام میں تبدیلی پیدا کرتا ہے۔ تمباکو کے دھوئیں میں 70 سے زائد ایسے کیمیکل پائے گئے ہیں جو carcinogenic (کینسر پیدا کرنے والے) ہوتے ہیں۔ دنیا بھر میں، تقریباً 1.1 بلین لوگ تمباکو نوشی کرتے ہیں اور ہر سال 7 ملین سے زیادہ لوگ تمباکو نوشی کے منفی اثرات سے مر جاتے ہیں ۔

محققین نے CRISPR-Cas9 ٹیکنالوجی کی مدد سے تمباکو کے پودے (Nicotiana tabacum) کی ایسی قسم تیار کی ہے جو نکوٹین سے تقریباً مکمل طور پر پاک ہے اور غیر ترمیم شدہ (nontransgenic) بھی ہے۔

4. روایتی اور جدید علاج میں تمباکو کا استعمال:

کچھ قدیم طبی نظاموں میں اسے بیرونی استعمال (مثلاً زخموں پر) کے لیے استعمال کیا گیا۔مگر جدید تحقیق کے مطابق اس کا کوئی محفوظ اندرونی استعمال تسلیم شدہ نہیں۔تمباکو ایک زہریلا اور نشہ آور پودا ہے جو دماغ، دل، پھیپھڑوں اور دیگر جسمانی اعضاء پر مضر اثرات ڈالتا ہے۔ جدید تحقیق کے مطابق اس کا استعمال نقصان دہ ہے اور اس سے دوری صحت مند زندگی کے لیے ضروری ہے۔

جدید سائنسی تحقیق میں ثابت ہونے والے فوائد

اگر تمباکو کے زہریلے دھوئیں والے پہلو کو الگ کر دیا جائے تو تمباکو ایک قیمتی طبی پودا بن سکتا ہے۔

اعصابی حفاظت (Neuroprotection):

الزائمر (Alzheimer’s) اور پارکنسن (Parkinson’s) جیسے اعصابی انحطاطی امراض میں بہتری۔

سوزش کش اثرات (Anti-inflammatory effects):

مثلاً کولائٹس (Colitis)، گٹھیا (Arthritis)، سیپسس (Sepsis)، اور جلد کی سوزش (Skin Inflammation) میں مؤثر۔

وزن میں کمی (Weight Loss):

نکوٹین بھوک کم کرنے، چربی گھٹانے، اور انسولین حساسیت بڑھانے میں مددگار ہے۔

میٹابولک سنڈروم (Metabolic Syndrome) پر قابو:

موٹاپا (Obesity) اور فیٹی لیور (Fatty Liver) کی روک تھام۔

حوالہ جات: 1۔2

مقدار خوراک:

ممنوع