بندال ڈوڈا / گھگر بیل

نام :

عربی میں قثاء الحمار۔ فارسی میں خیارخر ، خیاردشتی۔ بنگالی میں  گھوشا لتا ۔سندھی میں گوساٹو۔ گجراتی میں  ککڑبیلا۔ ہندی میں بندال۔گھگھر بیل ۔سنسکرت  میں دیو والی ، جی موت کہتے ہیں۔

(تحریر و تحقیق: حکیم سید عبدالوہاب شاہ)

نام انگلش:

Name: Bristly luffa

Scientific name: luffa echinata

Family: Cucurbitaceae

تعارف:

بندال دوڈا ایک بیل دار پودے کا پھل ہے جسے عام طور پر کسان کھیتوں کی باڑ کے طور پر بھی لگاتے ہیں۔ اس پودے کے ساتھ ریٹھے کی طرح کانٹے دار پھل لگتا ہے جو اندر سے خانہ دار ہوتا ہے جن میں اس کے بیج ہوتے ہیں۔

یہ بھی پڑھیں: بھنگ

یہ بھی پڑھیں: بھنڈی

یہ بھی پڑھیں: بہمن سرخ

کیمیاوی و غذائی  اجزا:

کیوکر بیٹا سینز (Cucurbitacins):

کیوکر بیٹا سین بی: 196.24  ملی گرام       کیوکر بیٹا سین آئی: 57.14 ملی گرام       کیوکر بیٹا سین ای: 2.03 ملی گرام

فینولک ایسڈز (Phenolic Acids):

گیلک ایسڈ1.26 ملی گرام     کیٹیچن (Catechin): معمولی مقدار میں۔       

کلورو جینک ایسڈ (Chlorogenic Acid): معمولی مقدار میں۔      وینیلیک ایسڈ (Vanillic Acid): معمولی مقدار میں۔

کو مارک ایسڈ (Coumaric Acid): معمولی مقدار میں۔

بندال میں موجود کیوکر بیٹا سینز جیسے مرکبات انسانی جسم پر طاقتور اثر ڈال سکتے ہیں، لیکن ان کا زیادہ مقدار میں استعمال مضر ہو سکتا ہے، جیسے معدے یا جگر کو نقصان پہنچانا۔

حوالہ

PubMed

PMC

ScienceDirect

اثرات:

غدد میں شدید تحریک پیدا کرتا ہے، عضلات میں تحلیل اور اعصاب میں تسکین پیدا کرتا ہے، مدر حیض، مخرج جنین، مقی ، مسہل  اور مجفف بواسیر ہے۔

خواص و فوائد

بندال ڈوڈا بہت ہی قوی مسہل ہے اس لیے اس کی تھوڑی سی مقدار دینے سے دست اور قے آنے لگتی ہے اور پیٹ میں درد ہو جاتا ہے، بعض اوقات خونی پاخانے بھی آنا شروع ہو جاتے ہیں۔ اسی لیے حاملہ خواتین کے لیے بہت خطرناک ہے، مسقط حمل ہے۔ رکے ہوئے حیض کو بھی فورا جاری کر دیتا ہے۔  بنڈال ڈوڈوں کو پانی میں پیس کر ٹکیہ سی بنائیں اور تھوڑا گھی لگا کر بواسیری مسّوں پر باندھیں۔ چند روز برابر باندھنے سے بواسیری مسّے خشک ہو جائیں گے۔ سونگھنے کی قوت ختم ہو گئی ہو  اور کسی قِسم کی خوش بُو اور بدبُو نہ آتی ہو،  بنڈال کو باریک پیس چھان کر گائے کے گھی میں مِلا کر ناک میں ٹپکائیں تو اس سے یہ بیماریاں دُور ہو جاتی ہیں۔  جانوروں کے زخم پر اس کے پتوں کی نگدی باندھنے سے زخم کیڑے مرجاتے ہیں اور اس کارس پلانے سے مویشیوں کے پیٹ کے کیڑے ختم ہوجاتے ہیں ۔

مقدار خوراک:

دو گرام