انڈا مرغی

نام :

عربی میں بیضہ۔ فارسی میں تخم مرغ۔ سندھی میں آنو کہتے ہیں۔

(تحریر و تحقیق: حکیم سید عبدالوہاب شاہ)

نام انگلش:

Egg chicken

Scientific name: Telolecithal eggs / Gallus gallus domesticus

تاثیری نام:

مقوی

مزاج  طب یونانی: 

زردی گرم، سفیدی تر سرد

مزاج  طب پاکستانی: 

غدی اعصابی

یہ بھی پڑھیں: اندرائن، تمہ، حنظل

یہ بھی پڑھیں: اندر جو ، کڑا سک ، کڑا چھال

یہ بھی پڑھیں: انجیر

تعارف:

مرغی کا انڈا ایک معروف غذا ہے، جو مرغیوں سے حاصل ہوتی ہے۔ انڈے کی زردی مائل بہ گرمی جبکہ انڈے کی سفیدی سرد تر ہوتی ہے۔ اسی طرح چھلکا خشک سرد ہوتا ہے۔ موجودہ دور میں زیادہ تر فارمی مرغیوں کے انڈے استعمال کیے جاتے ہیں، دیسی مرغی کا انڈا زیادہ مفید اور طاقتور ہوتا ہے۔

تازہ انڈہ زیادہ وزنی ہوتا ہے جبکہ باسی انڈا وزن میں ہلکا ہوتا ہے۔ ایک پاو پانی میں آدھا چھٹانک نمک ڈال کر اس میں انڈے کو ڈالیں اگر ڈوب جائے تو اچھا ہے، اور اگر تیرنے لگے تو خراب ہے۔

نفع خاص:

مقوی ہے۔ کیلشیم، پوٹاشیم اور فاسفورس کا ذریعہ ہے۔

کیمیاوی و غذائی  اجزا:

چکن انڈے کی غذائی ترکیب (فی 100 گرام)

ایک عام بڑے انڈے کا وزن تقریباً 50 گرام ہوتا ہے، اس لیے ذیل میں دو بڑے انڈوں (تقریباً 100 گرام) کے لیے تفصیل درج ہے۔

میکرونٹرینٹس:

کیلوری:  155 کیلوری         پروٹین: 13 گرام   کل چربی: 11 گرام  سیر شدہ چربی: 3.3 جی

مونو سیچوریٹڈ فیٹ:  4.1 جی   پولی ان سیچوریٹڈ فیٹ: 1.4 جی           کولیسٹرول:  373 ملی گرام

کاربوہائیڈریٹس: 1.1 گرام     شکر: 1 گرام        فائبر: 0 گرام

وٹامنز:

وٹامن اے: 0.156 ملی گرام (ریٹینول)                    وٹامن ڈی۔3: 0.002175ملی گرام

وٹامن ای۔ ٹوکوفیرول (Tocopherol):  1.05 ملی گرام    وٹامن کے: 0.1 مائیکروگرام   وٹامن بی 1 (تھامین): 0.02 ملی گرام

وٹامن بی2(Riboflavin): 0.25 ملی گرام   وٹامن بی 3 (نیاسین): 0.04 ملی گرام     وٹامن بی 5 (پینٹوتھینک ایسڈ): 0.63 ملی گرام       وٹامن بی 6: 0.09 ملی گرام          وٹامن بی12: 0.5 مائیکروگرام           فولیٹ (وٹامن B9): 24 مائیکروگرام

بایوٹین(Biotin): 10 مائیکروگرام    چولین(Choline): 147 ملی گرام

معدنیات:

کیلشیم: 50 ملی گرام            آئرن:  1.2 ملی گرام          میگنیشیم:  10 ملی گرام                   فاسفورس: 172 ملی گرام

پوٹاشیم:  126 ملی گرام         سوڈیم:  124 ملی گرام                   زنک:  1.1 ملی گرام           سیلینیم: 30 مائیکروگرام

کاپر: 0.02 ملی گرام           مینگنیج: 0.01 ملی گرام

دیگر غذائی مرکبات:

لوٹین(Lutein)  

 زیکسینتھین( Zeaxanthin):  503 مائیکروگرام

کولین(Choline): 294 ملی گرام

دیسی مرغی کے انڈوں میں : اومیگا 3 فیٹی ایسڈ: ~ 37 ملی گرام۔ اور اومیگا 6 فیٹی ایسڈ: ~ 540 ملی گرام بھی پائے جاتے ہیں۔

نوٹ:  دیسی انڈے بنسبت فارمی انڈوں کے زیادہ غذائیت اور فوائد رکھتے ہیں۔

اثرات:

غدی اعصابی اثرات

خواص و فوائد

 انڈوں میں تمام نو ضروری امینو ایسڈ ہوتے ہیں، جس کی وجہ سے انڈے پروٹین کے حصول کا اچھا ذریعہ ہیں۔

دماغی صحت: انڈے میں موجود کولین دماغ کی نشوونما اور کام کے لیے بہت ضروری ہے، خاص طور پر حمل کے دوران جنین کی نشوونما میں۔ 

آنکھوں کی صحت: انڈوں میں موجود لیوٹین اور زیکسینتھین عمر سے متعلق میکولرکے  انحطاط اور موتیابند سے بچانے میں مدد کرتے ہیں۔

دل کی صحت: اگرچہ انڈوں میں کولیسٹرول کی مقدار زیادہ ہوتی ہے، لیکن حالیہ مطالعات سے پتہ چلتا ہے کہ زیادہ تر لوگوں کے لیے، انڈوں سے غذائی کولیسٹرول خون میں کولیسٹرول کی سطح کو نمایاں طور پر متاثر نہیں کرتا ہے۔ انڈوں میں سیر شدہ اور غیر سیر شدہ چکنائی کا توازن اعتدال میں کھانے سے فائدہ مند ہو سکتا ہے۔جو لوگ ہائی کولیسٹرول کے مریض ہیں وہ اپنے معالج سے مشورہ کرکے انڈا کھائیں۔

الرجی: کچھ لوگوں کو انڈے سے الرجی ہوتی ہے جو مختلف علامات کی صورت میں ظاہر ہوتی ہے، مثلا کچھ لوگوں کو انڈا کھانے سے سخت پیٹ درد ہو جاتا ہے۔

مقدار خوراک:

بقدر ہضم